Popular Bible Verses from Mateo 21

Share

Baw in unu-unuy ipanalangin mi nga angutun mi, matanggap mi yan, basta magpamayaꞌ kamu nga matuud.”

Mampang si Jesus, maat ya, “Dedemdemen mi tu. In talagang matuud i pamayaꞌ mit Ampuꞌang Diyus, nga ega alab-alaben, mabwat mi gasiꞌ i binwat kut igos ngaytu. Ega lamang yan desang iyan ngayan, in aaten mi i itu nga mungsuꞌ, ‘Limꞌid ka asan, pasugba ka duꞌun it dagat,’ magbaraꞌ yan i inampang mi ngayan.

Atnat giyaw-giyaw i mga taw duꞌut uꞌnaan baw duꞌun it giyaringan ya. Maat i ipagpanggagaꞌuy na nira, “Bantugun i tungtung-inapuꞌ ngaytut adiꞌ nga si David! Mabantug kanya ngaytu nga tiyaꞌeg it Ampuꞌang Diyus! Bantugun i Ampuꞌang Diyus nga duꞌun it dibwat it langit!”

Maat ya it kanira, “Magbebtang duꞌun it isiyurat nga ampang it Ampuꞌang Diyus, ‘Iyan balay ku nga pagsambaan it aken, taꞌwagen nga balay nga papanalanginan.’ Temed binwat mi na nga pugad nat mga mananakaw!”

“Sugidan mi i mga taga Sion, aaten mi, ‘Lawagen mi. Magdadarapaꞌ nay magꞌadiꞌ situt imyu. Talagang mapiyalulus tu kanya. Esang kabayuꞌ nga asno i pagsasakayan ya. Esang uꞌuybun nga uꞌuybun it asno.’”

Miningkut siꞌ si Jesus it kanira. “Unu, ega paꞌ nabasa mi i itu nga ipiyagꞌaat duꞌun it isiyurat nga ampang it Ampuꞌang Diyus ngayan nga magꞌaat, ‘Iyan batu nga ega napakay it mga manigpatindeg it balay, palan yanagay giyamit nga piyakapakseg it balay. Talagang binwat tu it Ampuꞌang Diyus, baw kalililuꞌan talaga.’

Aypaꞌ ka pagꞌaaten ta kamu, ega na kamu nga mga Judio i sakep it kaꞌadiꞌan it Ampuꞌang Diyus, in daꞌga iyan mga taw nga magsirbi it kanya it kamatuudan.