Popular Bible Verses from Mateo 2

Share

Pagkasled nira duꞌut balay ngayti, naltegan nira i waꞌwaꞌ nga pagsasakbutun it inaꞌ ya nga si Maria. Siyamba nira kanya it magtetꞌem i rupa duꞌun it daꞌtag. Bawnga inukad nira nay mga marerga nga taban nira nga bulawan, pirmirang kamangyan baw marga nga babangluun nga mira, nga ibgay nirat waꞌwaꞌ ngayti.

Piyanganakan it ki Jesus ngayti, duꞌun it Betlehem nga sakep it Judea, timpu nga si Herodes i adiꞌ nga magsasakep duꞌun. Ega naꞌlay nga timpu, may miyabut duꞌun it Jerusalem nga mga mapipikir nga mga mamimintuꞌ, nga garing kat lebatan nga ayun. Pagꞌabut nira duꞌut Jerusalem ngayti, sigi nang ingkut-ingkut nira in ariyen i ipiyanganak nga magꞌadiꞌ, nga Adiꞌ it mga Judio. “Sabap naltegan namen,” maat nira, “i baꞌgung bituꞌun nga limimbat duꞌut lebatan nga ayun, nga tandaꞌanan it simnakit na kanya. Ituytu i panaw namen ngaytu, sambaen namen kanya.”

Pagkalteg nira sit bituꞌun ngayti, talagang nakasagya sirang banar.

Iyan panguliꞌ na nira, pagdelem ipiyatagaynep it kanira it Ampuꞌang Diyus nga magꞌaat, daꞌsira na mamsag duꞌun it ki Herodes. Aypaꞌ ka duꞌun nat belag nga dalan i piyanawan nirat miyuliꞌ. Pagkagaring it mga mapipikir ngayti, nanagaynep si Jose. Tagaynep ya, miyabut i esang anghil it Ampuꞌang Diyus, nga magpaꞌa-paꞌaat it kanya, “Jose, magbangun kamu na, ka magliꞌid kamung lagi situ. Tabanen muy waꞌwaꞌ ngayan duwa magꞌinaꞌ baw malagyu kamu duꞌut Egipto. Baw ayaw kamut liꞌi-liꞌid duꞌun mintras ega pay aat kut imu, sabap ipatulus ni Herodes i waꞌwaꞌ ngaytu ka imatayen.”