Popular Bible Verses from Mateo 19

Share

Tiyermek sira ni Jesus it semyek baw miyampang nga magꞌaat, “Talagang egay maski unu nga mabwat it taw nga ipagkaribri it kanya. Temed in Ampuꞌang Diyus, mabwat yay muꞌsang bagay. Kanyay magkaribri it mga taw.”

Aypaꞌ ka subung it ega na maꞌaat sira nga duwang kataawan paꞌ, ka subung it sang kabilu-bilugan na sira. Ta, it atkayan na, simpri ega mapakay nga belagen it taw i ipiyagsagpun ngaytu it Ampuꞌang Diyus.”

Katubag si Jesus, maat ya, “Unu baꞌ, ega paꞌ nabasa mi kat isiyurat nga ampang it Ampuꞌang Diyus ngayan nga magꞌaat, ‘Puꞌun-puꞌun it taw, giyuna sira it Ampuꞌang Diyus, babay baw lalaki.’ Pagkaguna ya, maat ya, ‘Ta it atkaytuy giyuna ku, aypaꞌ ka tananan it lalaki i amaꞌ baw inaꞌ ya ka magsagpun na sira magꞌasawa. Ta egay beken, subung na sirat sang kabilu-bilugan.’

Takaꞌ mampang si Jesus, “Ega sulang-sulangen mi i mangaꞌwaꞌ nga magpaꞌasitut aken. Pataꞌnan mi lamang. Sabap mga mapiyababaꞌ nga subung it mangaꞌwaꞌ ngaytu, sira i mapakay nga pasakep it kaꞌadiꞌan it Ampuꞌang Diyus.”

Temed yay matuud, dakel i mataꞌas kayti kat pabetang it taw, nga baraꞌan nira raꞌyat pagꞌabut it iting aldaw. Baw dakel sira kayti nga raꞌyat lamang kat pabetang it taw, temed baraꞌan nira mataꞌas duꞌun it kaꞌadiꞌan it Ampuꞌang Diyus.”

Baw maski siyu nga magkatanan it pamalay-balay ya, mga sulsug ya, giyaringan baw mga anak ya, u pagngatanan ya, nga sabap lamang it pagsirbi yat aken, talagang tumanggap kanyat sang gatus nga dubli, baw begayan paꞌ it kaꞌgenan nga egay kaskedan.

“Magayen,” maat ni Jesus, “in talagang ireg mu nga masagyaan ka nga banar it Ampuꞌang Diyus, muliꞌ ka na ka ipaꞌalang muy muꞌsang kusas mu, bawnga itabang mu it mga makukuriꞌ i bayad ya. Ka in buwaten mu gaytu, siguradung may kamanggadan mu duꞌun it langit. Pagkabwat mut muꞌsa ngaytu, paꞌuliꞌ ka siꞌ situ, ka magbaya-bayaꞌ ka nat aken, nga alagad ku na.”

Katubag si Jesus, maat ya, “Unuka ipagꞌingkut mut aken in unuy magayen? Ampuꞌang Diyus lamang i talagang magayen. Aypaꞌ in ireg mung maꞌimuy kaꞌgenan nga egay kaskedan, sunudun muy mga ipiyagꞌurdin ya.”

Baw itu pay iꞌaat kut imyu. Marway paꞌ makalapas i dakulang ramu-ramu nga kamelyo duꞌun it erek it dagum, ega gat manggaden nga kasled duꞌun it kaꞌadiꞌan it Ampuꞌang Diyus.”

Aypaꞌ ka ituy ipagꞌaat kut imyu kayti, maski siyu nga lalaki i pablag it asawa ya kat in unu nga napatikdan, puyrat nasalaꞌ it beken nga lalaki, bawnga mangasawa kanya it beken, talagang nakapakun na kanya. Baw atkayan naga, siyu-siyuy mangasawa it babay nga piyablagan, nakapakun na gasiꞌ kanya.”

Pagkagaring, maat ni Jesus it mga alagad ya, “Matuud talagay iꞌaat kut imyu. Talagang makuriꞌ makaꞌuyut i manggaden duꞌun it kaꞌadiꞌan it Ampuꞌang Diyus.