Popular Bible Verses from Juan 15

Share

Aku i puꞌun baw tangkayan it luwak nga ubas. Kamu i subuk sanga ku. Iyan temeꞌteꞌ it aken, aku gasiꞌ i temeꞌteꞌ it kanya. In atkayan, pirmi nang dakulaꞌ i buwaꞌ ya. Ka yay matuud, egay maski unu nga mabwat mi in magpablag kamut aken.

Teꞌteꞌan mi aku. Teꞌteꞌan ku naga kamu. Ka ega magkabwaꞌ i sanga it esa-esa ya lamang in daꞌga magpupꞌun duꞌun it begtek. Kamu, atkayan naga. Daꞌkamu magtarubwaꞌ in daꞌga maneꞌteꞌ kamu situt aken.

In maneꞌteꞌ kamu situt aken baw maneꞌteꞌ gasiꞌ i ampang ku asat imyu, nga pirmi mi nga pagsunudun, marway in unuy angutun mi duꞌut Ampuꞌang Diyus. Talagang ibgay it imyu.

Ega maat kamu i miniliꞌ it aken. Akuy miniliꞌ it imyu, baw tiyaꞌeg ku kamu nga subuk muwaꞌ kamu it mga buwaꞌ nga maneꞌteꞌ. Aypaꞌ in unuy angutun mi duꞌun it Amaꞌ kat keseg it pakilagpit mit aken, ibgay ya talaga it imyu.

Yay kamatuudan nga raras nga ega nay kasubraꞌ, iyan raras it esang taw nga iganti yay ginawa ya kat ginawa it mga iba-iba ya.

Pagsapiꞌen yay kada sanga ku nga ega magbuwaꞌ, baw pagꞌawanan ya gasiꞌ i kada sanga nga magbuwaꞌ isaꞌun subraꞌ nga dumakulaꞌ i buwaꞌ it pamayaꞌ kat pangaꞌgenan ya.

Ka itu nay ipagꞌurdin ku, magsigraras kamu it esa may esa subung nagat raras kut imyu.

Matanyag i kabantugan it Amaꞌ ku in tarubwaꞌ baw magpanggayen i buwaꞌ it pamayaꞌ kat pangaꞌgenan mi. In atkayan, kamatuudan nga alagad ku kamu.

Ipiyasigi naga ni Jesus i panulduꞌ yat mga alagad ya ngayti, ka tupusun ya daꞌan i ipagkusugid yat kanira. Maat ya, “Aku i matuud nga subuk puꞌun baw tangkayan it luwak nga ubas, baw iyan Amaꞌ ku, kanya i Manigꞌarigra.

Iyan ega maneꞌteꞌ situt aken, ibuntal na ka ipablag subuk sanga nga siyapiꞌ. Ta, yang mga sanga, in patay na, rinutun baw idaꞌpug duꞌut apuy isaꞌun maꞌanteng.

Ipiyagsugid kut imyu i itu nga mga bagay isaꞌun mabagiꞌan kamu it magꞌuꞌunay nga kasagyaan ku, baw sumagya kamut kasagyaan nga egay kakurangan.

In pagsunudun mi nga pirmi i mga urdin ku, subrang magkamuyaan mi i pagmaꞌal ku ngaytut imyu. Subuk aken, siyunud ku nga muꞌsa i mga urdin it Amaꞌ ku, aypaꞌ magkamuyaan ku nga banar i pagmaꞌal yat aken.

Ituy ipagꞌurdin kut imyu, nga magsigraras kamung pirmi.”

In beteꞌ kaꞌuyutan kamu paꞌ it mga ega magpamayaꞌ ngayti, simpri pagmaꞌalen nira kamu ka sang kamuwan. Temed it ega na, sabap it piniliꞌ ku kamu baw subuk ipiyapinpin na kat kadakel ngayti. Aypaꞌ ka isgan nayan nira kamu.