Popular Bible Verses from Genesis 37

Share

Kaꞌsa nanagaynep si Jose ngayti. Temed unupat pagtuturan yat tagaynep ya ngayti, miyereꞌeret nay binsir it mga sulsug ya ngaytit kanya.

Si Jose ngayti, pagdiyu-diyuun nga banar ni Israel ngayti nga amaꞌ nira, subraꞌ paꞌ it beken ngayting mga anak ya, ka anak ya mana it gurang na kanya. Piyabwatan ya si Jose it subrang magayen nga gulamen nga pakayan nga mabatek.

Iyan namuyaan it mga sulsug ya nga subrang pagmaꞌalen kanyat amaꞌ nira, subraꞌ paꞌ it kanira, inisgan na nira baw ega nay magaye-gayen nga paniniklaꞌan nirat kanya.

Daꞌga, nanagaynep naga si Jose it sumaꞌup bawnga itiyuturan ya naga duꞌut mga sulsug ya. “Pagnegan mi siꞌ ka nanagaynep aku sit sumaꞌup,” maat ya. “Magpaꞌa-paꞌaat bay tiyagaynep ku siꞌ, naltegan ku maat nga nanluud i aldaw, bulan baw sang puluꞌ may esang bituꞌun. Nanluud sirang muꞌsa it aken.”

Unupat miyereꞌeret nang banar i inggit it mga sulsug ya ngaytit kanya. Temed kat amaꞌ nira, pirmi ya nga pagdedemdemen i itiꞌen ngayti.

Maat i itiyuturan ya it kanira, “Atkayti-atkayti bay tiyagaynep ku. Maat duꞌun tamit uma, magbegkes-begkes it tagasang kemkem nga tirigu. Letganan ku maat timnindeg it pagayen-gayen i aken ngayting begkes bawnga imyu ngaytu, namagpanluud duꞌut linibut ya.”

Esa-esa ga, imatayen tami bawnga iꞌlug duꞌut esa it mga kali ngaytung sasaradan it danum. Panugid tami duꞌut balay, aaten tami, siyamay-samay nat kumakaꞌen nga ramu-ramu duꞌut piyanawan ya. Letganan tami in unu paꞌ sadaw i lapusan it piyamagtagaynep ya ngayan.”

Aypaꞌ egay beken, pagtaꞌlib it mga manigdagang ngayting mga Madianita, nga iyan gasiꞌ i esang panaꞌwag it mga Ismaelita ngayti, inabat nira siꞌ si Jose duꞌut kali ngayti nga inlugan nira ka ipiyaꞌalang na. Ipiyaꞌalang nirat kantidad it duwang puluꞌ kat kanirang pirak. Pagkabayad, piyabayaꞌ nat piyaꞌalangan ngayti si Jose duꞌut Egipto. Temed ki Ruben, ega duꞌun kanya it iting binwat nira, aypaꞌ ka egay uru-urut ya.

Maamaatan sira, “Aaꞌ, wayan i matiyagaynepen ngayan!

Temed ta, magdarapaꞌ paꞌ kanya, nalawag nat mga sulsug ya ngayti. Pagkalawag, nagꞌupa-upakaten sira nga imatayen nira si Jose ngayti.

Ega ipaturuꞌ tami i duguꞌ ya. Tutal situ tat rugar ngaytung kapupuyangtan, iꞌlug tami na lamang kanya duꞌut kali ngayti. Temed ega patdagan tamit alima tami.” Atkayti i inampang ya ka kat nakem ya nga iribri ya naga kat kamataynen i ariꞌ ya ngayti, ka iꞌuliꞌ duꞌut amaꞌ ya.