Popular Bible Verses from Genesis 25

Share

Tubag it AMPUꞌANG DIYUS it kanya, maat ya, “Gambar i beteng mu ngayan, nga panggaringan sira it duwang kabangsaan. Garing it pagbebtengen paꞌ sira, daꞌsira nang lagi nagkagayen, mamagkukuntraꞌ na. Magbaraꞌ nga subrang makseg i sangbat manggid nga bangsa. Baw masinakepan it ariꞌ i akaꞌ manggid.”

“Aaꞌ,” maat ya, “magetem ku nang banar! Begayan mu akut pagꞌilutuꞌun mu ngayang madarag.” Iti, puꞌun-puꞌun it napangaranan si Esau it ki Edom, nga ireg sugiden, madarag.

Ta it ega magpanganak si Rebeca ngayting asawa ya, iyan naꞌlay na, nanalangin si Isaac nga nagpasanguꞌ-sanguꞌ duꞌun it AMPUꞌANG DIYUS. Baw siyambungan it AMPUꞌANG DIYUS i ipiyanalangin ya ngayti. Nagbeteng nga matuud si Rebeca.

“Mapakay bayan,” maat ni Esau. “Ikaw na. Unuy mapulus ku kayan, beken it subuk pirinda nga pirmi i ginawa ku duꞌut talun?” “Elat daꞌan,” maat ni Jacob. “Sumumpa ka daꞌan nga talagang ipiyatindak mu na situt aken.” Egay beken, simnumpa si Esau nga ipiyatindak ya na duꞌut bilug ni Jacob i kumpur pudir nga magbebgay it akaꞌ kat panunubliyen.

Iyan sunud nga simnakit, magseskel duꞌut biyutu-butut aꞌay it kagambar ya ngayti, aypaꞌ pangaranan niray itiꞌen, si Jacob. Enem nang puluꞌ i idad ni Isaac, pagpanganak nirat duwa ngayti.

Pagdiyu-diyuun nga banar ni Isaac si Esau ngayti, ka pirmi kanya nga magkakaꞌen it lulugitmen. Ki Rebeca, iyan i kanyang pagdiyu-diyuun nga banar, si Jacob.