Popular Bible Verses from རོ་མཱ་པ། 2

Share

ཀྱེ་ཧོ། ཁྱོད་ཀྱིས་ལས་དེ་ལྟར་བྱེད་མཁན་ལ་ཁ་ཚོན་བཅད༌ནའང༌། རང་གི་སྤྱོད་པ་ནི་མི་གཞན་དང་མཚུངས༌པས། ཁྱོད་ནི་དཀོན་མཆོག་གི་ཁྲིམས་ཐག་ལས་ཤོར་ཐུབ་པར་འདོད་དམ། ཡང་ན་ཁྱོད་ཀྱིས་དཀོན་མཆོག་གི་ཐུགས་རྗེ་ཆེན་པོ༌དང༌། བཟོད་སྒོམ། ངང་རྒྱུད་རིང་པོ་བཅས་ལ་མཐོང་ཆུང་བྱེད་པ༌དང༌། ཁོང་གི་ཐུགས་རྗེ་ཡིས་ཁྱོད་ནི་འགྱོད་བཤགས་ཀྱི་ལམ་དུ་ཁྲིད་པའང་མི་ཤེས༌སམ།

དེ་བས་ན་མི་ལ་ཁ་ཚོན་གཅོད་མཁན་ཁྱོད་ནི་སུ་ཡིན་ཡང་ཁག་དཀྲི་ས་མེད༌དེ། ཁྱོད་ཀྱིས་དོན་གང་གི་ཆ་ནས་མི་ལ་ཁ་ཚོན་བཅད༌ན། དོན་དེའི་སྟེང་ནས་ཁྱོད་ཀྱིས་རང་གིས་རང་ལའང་ཉེས་ཆད་བཅད༌དོ།། ཅིའི་ཕྱིར་ཞེ་ན། ཁྱོད་ཀྱིས་མི་ལ་ཁ་ཚོན་གཅོད་ནའང་། རང་གི་སྤྱོད་པ་ནི་མི་གཞན་དང་མཚུངས་པའི་ཕྱིར༌རོ།།

རྒྱུ་མཚན་ནི་དཀོན་མཆོག་ལ་ཕྱོགས་རིས་མེད་པའི་ཕྱིར༌རོ།།

ཅིའི་ཕྱིར་ཞེ་ན། དཀོན་མཆོག་གི་དྲུང་ནས་བཀའ་ཁྲིམས་ཐོས་པ་རྣམས་མི་རྣམ་དག་ཏུ་བརྩི་བ་མིན༌ལ། བཀའ་ཁྲིམས་ལྟར་བྱེད་པ་རྣམས་མི་རྣམ་དག་ཏུ་བརྩི་བར་འགྱུར་བའི་ཕྱིར་རོ།།

ཁོང་གིས་མི་རེ་རེའི་སྤྱོད་པ་བཞིན་དུ་ལན་གནང་བར་འགྱུར༌ཏེ།

འོན༌ཀྱང༌། སྒེར་སེམས་བཅངས་ནས་བདེན་པ་ཉིད་ལ་བློ་མི་བསྟུན༌པར། དྲང་བདེན་མ་ཡིན་པར་བློ་བསྟུན་མཁན་རྣམས་ལ་ཐུགས་ཁྲོ་དང་ཁྲོ་གཏུམ་འཕོག་པར་འགྱུར་རོ།།

འོན༌ཀྱང༌། ཁྱོད་ཀྱིས་རང་གི་རྒྱུད་གྱོང་ཞིང་འགྱོད་བཤགས་མི་བྱེད་པའི་སེམས་རྒྱ་ཡན་དུ་བཏང་བས། དཀོན་མཆོག་གི་ཐུགས་ཁྲོའི་ཉིན་མོའི་ཆེད༌དུ། རང་གིས་རང་ལ་ཐུགས་ཁྲོ་གསོག་པར་བྱེད་ཅིང་། ཉིན་དེར་དཀོན་མཆོག་གི་དྲང་བདེན་གྱི་ཁྲིམས་ཐག་མངོན་པར་འགྱུར་ངེས༌ཤིང༌།