Popular Bible Verses from མཱཪ་ཀུ 7

Share

མིའི་སེམས་ནས་དྲན་ཚུལ་ངན་པ་དང་མི་ཚངས་སྤྱོད་པ༌དང༌། མ་བྱིན༌ལེན། མིའི་སྲོག་གཅོད༌པ། ལོག༌གཡེམ། བརྣབ༌སེམས། ངན༌སེམས། གཡོ༌སྒྱུ། འདོད༌ཆགས། ཕྲག༌དོག འཕྱ༌ཚིག ང༌རྒྱལ། བླུན་སེམས་བཅས་འབྱུང་ངེས་པའི་ཕྱིར༌ཡིན། རྒྱུ་ངན་པ་འདི་ཐམས་ཅད་མིའི་སེམས་ནས་འབྱུང་ཞིང་མི་མི་གཙང་བར་བྱེད་པ་ཡིན་ཞེས་གསུངས༌སོ།།

ཕྱི་ནས་མིའི་ལུས་ནང་དུ་སོང་བ་དེས་མི་མི་གཙང་བར་བྱེད་ནུས་པ་ཅི་ཡང༌མེད། མིའི་ལུས་ནང་ནས་ཕྱི་ལ་ཐོན་པ་དེས་མི་མི་གཙང་བར་བྱེད༌པའོ།།

སྐྱབས་མགོན་ཡེ་ཤུས་འདི་སྐད༌དུ། ཚུལ་འཆོས་པ་ཁྱོད་ཅག་གི་སྐོར་ལ་ཡེ་ཤ་ཡཱ་ཡིས་ལེགས་པར་གསུངས་པ་འདི་ལྟ༌སྟེ། མི་སྡེ་འདི་ཡིས་ངག་ནས་ང་རང་བཀུར་ན༌ཡང༌།། ཁོ་ཚོའི་སེམས་ནི་ང་དང་ཡོངས་སུ་བྲལ་བ༌ཡིན།།

འཇིག་རྟེན་མི་ཡིས་བརྩམས་པའི་བསླབ་བྱ་སྣ་ཚོགས༌པ།། བདེན་པའི་ཆོས་ཀྱི་གཞུང་ལུགས་ཡིན་ཁུལ་སྟོན་བྱེད༌པས།། བསྙེན་བཀུར་དེ་འདྲ་བདག་ལ་བྱས་ཀྱང་སྙིང་པོ༌མེད།། ཅེས་བཀོད་པ༌ལྟར།

ཁྱོད་རྣམས་ཀྱིས་དཀོན་མཆོག་གི་བཀའ་སྤངས་ནས་མིའི་ལུགས་སྲོལ་སྲུང་བཞིན་འདུག་ཅེས་གསུངས་པ༌དང༌།