Popular Bible Verses from མཱཪ་ཀུ 13

Share

ཡང་ངའི་མིང་གི་རྐྱེན་གྱིས་མི་ཐམས་ཅད་ཁྱོད་ཅག་ལ་སྡང་བར་འགྱུར༌མོད། འོན་ཀྱང་མཐར་ཐུག་ཏུ་བཟོད་བསྲན་བྱེད་མཁན་དེ་ལ་ཐར་པ་འཐོབ་ངེས༌སོ།།

ཡང་དུས་དེ་ནམ་ཞིག་ལ་སླེབ་པ་ཁྱོད་ཅག་གིས་མི་ཤེས་པས་དོགས་པར་གྱིས་དང་གཉིད་དུ་མ་ཡུར༌ཅིག

དེ་དག་གིས་ཁྱོད་རྣམས་བཟུང་སྟེ་ཁྲིམས་ཐག་གཅོད་པར་སྤྲོད་པའི་དུས༌སུ། ཁྱོད་ཅག་གིས་དོན་དེའི་སྔོན་ལ་ཅི་ཞིག་སྨྲ་བར་སེམས་ཁྲལ་བྱ་མི་དགོས༌ཏེ། དུས་དེར་ཁྱོད་ཅག་ལ་ཅི་ཞིག་གནང་བ་ཡིན་ན་དེ་ཤོད༌ཅིག རྒྱུ་མཚན་ནི་སྐབས་དེའི་གཏམ་སྨྲ་མཁན་ནི་ཁྱོད་རྣམས་རང་ཉིད་མ་ཡིན་པར་དམ་པའི་ཐུགས་ཉིད་ཡིན་པས༌སོ།།

གནམ་ས་གཉིས་ནི་འཇིག་སྲིད་ཀྱང་བདག་གི་བཀའ་རྣམས་འཇིག་པར་མི་འགྱུར༌རོ།།

འོན་ཀྱང་མི་སུས་ཀྱང་ཉིན་མོ་དེའམ་དུས་དེ་ནི་ནམ་ཞིག་ཡིན་པ་མི་ཤེས༌ཤིང༌། ནམ་མཁའི་ཞིང་ཁམས་སུ་སྡོད་པའི་ཕོ་ཉ་རྣམས་ཀྱིས་ཀྱང་མི་ཤེས༌ལ། སྲས་ཀྱིས་ཀྱང་མི་ཤེས་ཏེ་ཡབ་གཅིག་པུས་མཁྱེན༌ཏོ།།

ཁྱོད་ཅག་གིས་དམག་འཁྲུག་དང་དམག་འཁྲུག་གི་གཏམ་ཐོས་པའི་དུས་སུ་མི་འཇིགས་པར༌གྱིས། དོན་འདི་དག་འབྱུང་ངེས་ཀྱང་དེ་ནི་མཐའ་མའི་དུས་ལ་སླེབས་པ་མ་ཡིན༌ནོ།།

དེ་བས་ཁྱིམ་བདག་དེ་ནི་མཚན་མོའམ་ནམ་ཕྱེད་ཀྱི་དུས༌སམ། ཡང་ན་བྱ་ཕོ་གྲགས་པའི་དུས་སམ་ཞོགས་པའི་དུས་གང་ཞིག་ལ་ཡོང་བ་ཁྱོད་ཅག་གིས་མི་ཤེས་པས་དོགས་པར༌གྱིས། དེ་ལྟར་མ་བྱས་ན་ཁོ་རང་གློ་བུར་ཕྱིར་ལོག༌ཚེ། ཁྱོད་ཅག་གཉིད་དུ་ཡུར་བ་མཐོང་བར་འགྱུར༌རོ།། བདག་གིས་ཁྱོད་ཅག་ལ་སྨྲས་པ་འདི་དག་ནི་མི་ཐམས་ཅད་ལའང་དོགས་པར་གྱིས་ཞེས་སྨྲས་པ་ཡིན་གསུངས༌སོ།།

རྒྱུ་མཚན་ནི་མི་རིགས་དང་མི་རིགས་འཁྲུག་ཅིང་རྒྱལ་ཁབ་དང་རྒྱལ་ཁབ་འཁྲུག༌པ། ས་ཆ་མང་པོར་ས་འགུལ་དང་མུ་གེ་ཡང་འབྱུང་བར༌འགྱུར། འདི་དག་ནི་སྦྲུམ་མའི་ཟུག་གཟེར་གྱི་ཐོག་མ་ཡིན༌ནོ།།

ཡང་དོན་དེའི་སྔོན་དུ་མི་རིགས་ཀུན་ལ་ངེས་པར་བདག་གི་འཕྲིན་བཟང་བསྒྲག༌དགོས།

མི་མང་པོ་ངའི་མིང་དུ་རྫུ་བཞིན་ཡོང༌སྟེ། ང་ནི་སྐྱབས་མགོན་མཱ་ཤི་ཀ་ཡིན་ཟེར་ཞིང་མི་མང་པོ་བསླུ་བར༌ངེས།

འོན་ཀྱང་རང་གི་ཆེད་དུ་ཁྱོད་ཅག་གིས་གཟབ་པར༌གྱིས། རྒྱུ་མཚན་ནི་ཁྱོད་རྣམས་ཁྲིམས་རའི་ཁྲིམས་དཔོན་རྒན་པོ་རྣམས་ཀྱི་ལག་ཏུ་སྤྲོད༌ཅིང༌། ཆོས་ཁང་ནས་རྟ་ལྕག་གིས་གཞུ་ངེས་པ༌དང༌། ཡང་བདག་གི་རྐྱེན་གྱིས་ཁྱོད་རྣམས་སྤྱི་དཔོན་དང་རྒྱལ་པོ་རྣམས་ཀྱི་མདུན་དུ་ཁྲིད༌ནས། དེ་རྣམས་ལ་བདེན་དཔང་བྱ་བར་འགྱུར༌རོ།།

རྒྱུ་མཚན་ནི་མཱ་ཤི་ཀ་བཅོས་མ་དང་ལུང་སྟོན་པ་རྫུས་མ་མང་པོ་འབྱུང༌ཞིང༌། གལ་ཏེ་བསླུ་ནུས་ན་བདམས་པའི་མི་རྣམས་ཀྱང་བསླུ་བའི༌ཕྱིར། གྲུབ་རྟགས་དང་ངོ་མཚར་བའི་དོན་རྣམས་སྟོན་པར་འགྱུར༌རོ།།

དེ་ནས་ཡང་ཁོང་གིས་འདི་སྐད༌དུ། ཉིན་དེ་དག་གི་རིང་དང་དཀའ་སྡུག་དེའི་རྗེས་སུ་ཉི་མ་བསྒྲིབ་ཅིང་ཟླ་བས་འོད་མི༌སྤྲོའོ།། སྐར་ཚོགས་ནམ་མཁའ་ནས་ལྷུང་ཞིང་བར་སྣང་ཁམས་ཀྱི་དབང་ཐམས་ཅད་གཡོ་བར༌འགྱུར།