Popular Bible Verses from ལོ་ཀུ 9

Share

ཡང་སྐྱབས་མགོན་ཡེ་ཤུས་མི་ཐམས་ཅད་ལ་འདི་སྐད༌དུ། སུ་ཞིག་ང་ཡི་རྗེས་སུ་འབྲང་འདོད༌ན། རང་ཉིད་དོར་ནས་ཉིན་རེ་བཞིན་རང་གི་ཤིང་རྒྱ་གྲམ་ཁུར་ཏེ་ང་ཡི་རྗེས་སུ་འབྲང་བར་གྱིས།

སུ་ཞིག་གིས་རང་སྲོག་སྐྱོབ་འདོད་པ་དེས་རང་སྲོག་འཆོར་བ༌དང༌། སུ་ཞིག་གིས་བདག་གི་དོན་དུ་རང་སྲོག་འདོར་བ་དེས་རང་སྲོག་སྐྱོབ་ངེས་ཡིན།

ཡང་སྐྱབས་མགོན་ཡེ་ཤུས་འདི་སྐད༌དུ། ལག་པས་གཤོལ་མདའ་བཟུང་ནས་ཕྱིར་མིག་གིས་ལྟ་མཁན་སུ་ཡིན་ཡང་དཀོན་མཆོག་གི་རྒྱལ་སྲིད་ལ་ཞུགས་མི་འོས་པ་ཡིན་ཞེས་གསུངས༌སོ།།

སུ་ཞིག་གིས་འཇིག་རྟེན་ཧྲིལ་པོ་རག་ཀྱང་རང་སྲོག་བོར་བའམ་བརླག་ན་ཅི་ལ༌ཕན།

སུ་ཞིག་གིས་ང་དང་ངའི་བཀའ་ངོ་ཚ་ཞིག་ཏུ་བརྩིས༌ན། མིའི་བུ་རང་ཉིད་ཀྱི་གཟི་བརྗིད༌དང༌། ཡབ་དང་ཕོ་ཉ་དམ་པ་རྣམས་ཀྱི་གཟི་བརྗིད་ངང་ཕེབས་ཡོང༌དུས། མི་དེ་ཡང་ངོ་ཚ་ཞིག་ཏུ་བརྩི་ངེས༌ཡིན།

ཁོང་གིས་འདི་སྐད༌དུ། ཝ་ལ་ཁུང་བུ་དང་ནམ་མཁའི་བྱ་ལའང་ཚང་ཡོད༌ཀྱང༌། མིའི་བུ་ལ་མགོ་སྔས་ས་ཙམ་ཡང་མེད་ཅེས་གསུངས་སོ།།

ཁོང་གིས་འདི་སྐད༌དུ། སུ་ཞིག་གིས་ངའི་མིང་གི་ཕྱིར་བྱིས་པ་ཆུང་ངུ་འདི་ལྟ་བུར་བསུ་བ་བྱས་ན། དོན་དམ་དུ་བདག་ལ་བསུ་བ་བྱས་པ་ཡིན་ལ། སུ་ཞིག་གིས་ང་རང་ལ་བསུ་བ་བྱས་པ་ཡིན་ན། དོན་དམ་དུ་ང་རང་མངགས་མཁན་ཁོང་ལ་བསུ་བ་བྱས་པ་ཡིན། རྒྱུ་མཚན་ནི་ཁྱོད་ཅག་ལས་ཆུང་ཤོས་དེ་ནི་ཁྱོད་རྣམས་ལས་མཆོག་ཏུ་གྱུར་པ་ཡིན་ཞེས་གསུངས༌སོ།།