Popular Bible Verses from བཀོད་པ། 14

Share

དགྲ་བོ་ཐམས་ཅད་ཁྱོད་སྤྲད༌པའི།། བླ་ན་མེད་པའི་དཀོན་མཆོག༌ལ།། བསྟོད་ཅིང་བསྔགས་པར་འོས་སོ༌ལོ། །ཞེས་གསུངས༌སོ།། ཨབ་རམ་གྱིས་རང་ལ་ཐོབ་པའི་བཅུ་ཆ་གཅིག་ནི་མཱལ་ཀི་ཚེ་དེག་ལ་ཕུལ༌ཏོ།།

དེ་ནས་སཱ་ལེམ་གྱི་རྒྱལ་པོ་མཱལ་ཀི་ཚེ་དེག་གིས་ཀྱང་བག་ལེབ་དང་རྒུན་ཆང་ཁྱེར་ནས་བསུ་བ་བྱེད་དུ༌ཕེབས། ཁོང་ནི་བླ་ན་མེད་པའི་དཀོན་མཆོག་གི་མཆོད་དཔོན་ཞིག་ཡིན༌ནོ།། ཁོང་གིས་ཨབ་རམ་ལ་བྱིན་གྱིས་བརླབས་ཏེ་འདི་སྐད༌དུ། གནམ་ས་གཉིས་ཀྱི་བྱེད་པོ༌དང༌།། བླ་ན་མེད་པའི་དཀོན་མཆོག༌གིས།། ཨབ་རམ་ཁྱོད་ལ་བྱིན་བརླབས༌མཛོད།།

དེ་ནས་ཨབ་རམ་གྱིས་སཱ་དོམ་གྱི་རྒྱལ་པོ་ལ་འདི་སྐད༌དུ། བདག་གིས་གནམ་ས་གཉིས་ཀྱི་བྱེད་པོ་སྟེ་བླ་ན་མེད་པའི་དཀོན་མཆོག་ཡ་ཝཱེ་ལ་དམ་བཅས༌ཏེ། ཁྱོད་ལ་གཏོགས་པའི་རྒྱུ་རྫས་ནི་སྐུད་པ་ཞིག༌གམ། ཡང་ན་ལྷམ་མདུད་ཅིག་ཡིན་ཡང་བདག་གིས་མི་འཁྱེར༌རོ། །ཅིའི་ཕྱིར་ཞེ༌ན། ཁྱོད་ན༌རེ། བདག་གིས་ཨབ་རམ་ཕྱུག་པོར་བཏང་བ་ཡིན་ཞེས་མི་སྨྲ་བའི་ཕྱིར༌རོ།།