Popular Bible Verses from Mapisarema 37

Share

Farikanya kwaɀo kunaJehova; Iye agokupa ɀinoɗikanwa nomŋoyo wako.

Isa nzira yako kunaJehova; Ʋimba ʋo naye, iye ucaɀiita.

Nyarara pamberi paJehova, umurindire unyerere; Usaʋa neshuŋgu pamsoro pounofara panzira yake, Pamsoro pomunhu unoita mano akaipa aakafuŋga.

Ʋimba naJehova, uite ɀakanaka; Gara panyika, ushiŋgairire kutendeka.

Mufambire womunhu unosimbiswa naJehova; Unofarikanya munzira yake. Kunyaŋge akawa, haaŋgawiswi cose; Nokuti Jehova unomutsigira noruʋoko rwake.

Iye ucaɓuɗisa kururama kwako seciedza, Nokururamisirwa kwako samasikati.

Rega kutsamŋa, urashe hasha; Usaʋa neshuŋgu, ɀinoŋgotadzisa munhu.

Ndakaŋga ndiri muɗuku, ɀino ndakwegura; Kunyaŋge ɀakaɗaro handina‐kutoŋgoʋona wakarurama acisiyiwa, Kana ʋana ʋake ʋacipemha ɀokudya.

Usaʋa neshuŋgu nokuɗa kwaʋanoita ɀakaipa, Usagoɗora ʋanoita ɀisina‐kururama.