Popular Bible Verses from Mark i̱ Holisso 14

Share

Áchihmat, “Abba, A̱ki ma̱, nánah mako̱ ish mihchá hi̱nah, hitokósh salbashákáchi̱ ka̱, a̱kanallichih. Hihókakósh anákósh nán ahnilih kako̱ kiyoh ókih. Chishnákósh nána ish áyahnik mako̱ ik yohmih,” im áchittók.

Apísa̱chi hicha nán ayashshachi hachik yohmo káchíkat anno̱pa ilbashsha okloh asilhhah. Chish shilombish at nána ka̱ alhpisát mihchih bannah, hihókako̱, chi haknip ato lha̱ko kat ikónoh,” im áchittók.

A̱lhi hachim anólilíshkih. Yakni moyyómaka̱, kanímma máko̱ kanah alhíha yat ano ak isht imma ya̱ anóho̱likmat, ohóyoh pat nána ka̱ mihchittok ayína ka̱ oklah anólachi̱h. Hikma̱ oklahat isht ikkánáchi̱h ókih,” áchittók.

Jesus at Peter, James, hicha John iláwi̱t iyattók. Hihmat nokha̱kloh isht alóta hicha ataklammah fihnah ósh oklah im áchihmat, “Sa nokha̱kloh fihna kat, pi sálláchi̱ ahóbat kaniyah. Yappa̱ ho ma̱yah hicha oh apisa̱chi,” im áchittók.

Hihma̱ oklah i̱pah ósh ma̱yah ma̱, Jesus at pallaska pit ishittók. Hihmat Chihówa pit i̱ yakokittók, hicha toshtolit tahlicha iyákayya alhíha pit imattók. Hicha áchihmat, “Pallaska pa̱ íshicha oh apah. Yappat sa haknip ókih,” im áchittók.

Hicha Jesus at nán ayishko ya̱, pa̱ki okchi homi yat a̱lhtoho̱ íshicha, Chihówa pit i̱ yakókittók. Hicha iyákayya alhíha pit imattók, hihma̱ mo̱ma kat oklah áyishkottók. Hihmat áchihmat, “Yappat am issis ósh sa haknip álhipíyah ókíh. Ilappat oklah la̱wa ka̱ i̱ lhipíyah ókih. Chihówa yat am issis isht álhopólih hósh nán alhpisa himóna ikbi ókih.

Hihma̱ Jesus at iyákayya alhíha i̱ makáchih mat, “Himak ninak pa̱, hash moyyómakat, hash saka̱chi cha hash balít ittafímáchi̱h ókih. Holisso Holittópa yat áchikat, ‘Chokfalhpowa apísachi abíláchi̱h, hikma̱, chokfalhpowa alhíha yat balít ittafímáchi̱h,’ áchittók óka̱.

Ho wakáya! Oklah kililhkóli. Hattak kanah ósh siyasanáláchi̱ kat mi̱tih ókih,” im áchittók.

Hihma̱ Jesus at áchihmat, “A̱lhi chim áchilíshkih, himak ninak pa̱, aka̱k nakni yat hitokla ola alhlhi ka̱, chik sakkano kat hitohchina ka̱ ish makácháchi̱h ókih,” im áchittók.