Popular Bible Verses from Matiu 8

Share

Nao Jisas i talem long olgeta se, “?From wanem yufala i fraet olsem? Bilif blong yufala i smol tumas.” Nao hem i girap, i tok long win mo wota, i blokem tufala. Nao wantaem nomo olgeta samting i kwaet we i kwaet.

Be kapten ya i talem long hem se, “Masta, mi mi no wan gudfala man. Mi no naf blong yu kam insaed long haos blong mi. Yu jes talem wan tok nomo, nao bambae hem i oraet bakegen.

Taem Jisas i harem tok ya, hem i sapraes tumas. Nao hem i talem long olgeta we oli biaen long hem se, “Tru mi talem long yufala. Nating we ol laen* blong Isrel*, be mi mi no faenem wan long olgeta nating we bilif blong hem i strong olsem bilif blong man ya.

Nao Jisas i talem long kapten ya se, “Yu yu save gohom. Bambae samting ya i kamtru long yu, stret olsem we yu yu bilif.” Mo stret long taem ya nao, bodi blong man ya blong wok blong hem i kam gud bakegen.

Mo ol man ya oli sapraes tumas, oli talem se, “Ei, man. ?Wanem kaen man ya? !Nating we win mo wota, be tufala i obei long tok blong hem!”