Popular Bible Verses from Jenesis 32

Share

Nao man ya i talem se, “Nem blong yu bambae i no moa Jekob. Yu yu faet agens long God, mo agens long man tu, mo yu yu win. From samting ya, i stat naoia, bambae nem blong yu Isrel.*”

Nao man ya i talem se, “!Yu lego mi! !Klosap i brok delaet ya!” Be Jekob i talem se, “!Nogat! !Mi no save lego yu! !Yu mas blesem mi fastaem!”

Nao hem i stap hem wan long narasaed reva ya i kam. Nao wan man i kam, i holem hem, nao tufala i stap resling, gogo klosap i brok delaet.

Nao Jekob i talem se, “!Maewad! !Mi mi luk fes blong God stret long ae blong mi, be mi mi stap laef yet!” Nao hem i putum nem blong ples ya se Peniel

Nao taem man ya i harem we hem i no save winim Jekob, hem i faetem hem long ples we leg blong hem i joen long bodi blong hem, nao joen blong hem i kamaot.

Nao man ya i askem se, “?Be nem blong yu hu?” Mo hem i talem se, “Nem blong mi Jekob ya.”

Nao hem i askem long man ya se, “?Be yu nem blong yu hu?” Nao man ya i talem se, “?From wanem yu yu wantem save nem blong mi?” Nao hem i blesem hem long ples ya.

Fasin blong yu, oltaem yu stap lavem mi tumas, mo oltaem yu stap holem promes blong yu long mi. Mi mi no wan gudfala man, mi man blong wok blong yu nomo, mo i no stret blong yu stap mekem i gud tumas long mi olsem. Taem mi krosem Jodan Reva ya bifo, mi go, mi stap holem stik nomo blong wokbaot, be naoia mi stap kambak we mi gat tufala kampani ya blong ol man wetem ol narafala samting ya blong mi.

Mo kam kasem tede, i tabu blong ol laen* blong Isrel oli kakae mit blong leg blong anamol, we i holem leg long ples we bun blong leg i joen long bun blong as, from we taem man ya i faetem Jekob, be hem i faetem hem long ples ya nao.

Nao hem i prea, i talem se, “Hae God, yu yu God blong bubu blong mi Ebraham mo blong papa blong mi Aesak. Plis yu harem mi. Yu yu talem long mi se mi mas kambak long ples blong mi, mo long ol famle blong mi, mo yu yu promes se bambae yu mekem laef blong mi i go gud.

Hae God, plis yu blokem brata blong mi, yu sevem mi. Mi mi fraet. Mi fraet se hem bambae i kam mekem faet long mifala, nao bambae i spolem mifala evriwan, wetem ol woman ya mo ol pikinini.