Popular Bible Verses from Luka 4

Share

“Tswa A̱gwaza ji shya̱ da̱ nung; mat A̱gwaza khai nung n shei A̱sham Nkhang ka da̱ a̱vwuo á̱kunak. A̱ si̱ ta̱m nung n shei ma̱ng á̱niet ba̱ shya̱ mi̱ khwo a̱ni, nang á̱ nkai mba á̱ ghwon; n bu nshei á̱niet a̱fi̱fan nang ba̱ na nshya̱ nwuan a̱vwuo; a̱wot n bu nshei á̱niet á̱ ya̱shuk a̱ni, nang á̱ na nkai mba á̱ ghwon; a̱wot jen nang A̱gwaza na nfa̱k shok á̱niet nggu ba a̱ni, ji̱ bai.”

Yesu si̱ bu nwuak A̱ta̱nyeang ka shim nyia̱, “Á̱ lyuut ma̱ A̱lyiat A̱gwaza na nyia̱, ‘Ku yet ta hwa a kyuak ntong a̱zaghyi A̱tyoli a̱ yet A̱gwaza ang a̱ni; a̱wot nggu wa a bu nyia̱ nggu ta̱m ma̱nyin nggu.’ ”

A̱wot Yesu si̱ nyia̱ ma̱ng A̱ta̱nyeang ka, “Kaai! Á̱ lyuut mami A̱lyiat A̱gwaza na nyia̱, ‘Mi̱ kyayak hwa ma̱nyin hu nang a̱tyubishyi na ya á̱ nswuan bah.’ ”

A̱wot Yesu si̱ bwuok a̱ neet a̱ma̱nyi a̱ghyui Urdun, nang chet A̱za̱za̱rak Ntswa wu shya̱ da̱ nggu. A̱za̱za̱rak Ntswa wu si̱ nat ma̱ng a̱nggu mi̱ tswa a̱yit.

Yesu si̱ bu nwuak ka shim nyia̱, “Kaai, á̱ lyuut ma̱ A̱lyiat A̱gwaza na, nyia̱, ‘Yok mak mi̱ mak a mak A̱gwaza yet A̱tyoli ang a̱ni bah.’ ”

Nang A̱ta̱nyeang ka ntyak mak Yesu di̱ kuzang tangka̱i mai a̱ni, ka̱ si̱ doot a̱ ghwon guu, a̱ fwuong jen jhyang.

A̱jawa A̱ta̱nyeang ka si̱ bu kyiak gu a̱ nat ndyo tazwa a̱fan. Mi̱ di̱ yong a̱hwa, ka̱ si̱ kin tak ma̱ng Yesu a̱mgba̱m ntyok swanta na. A̱ta̱nyeang ka si̱ nyia̱ ma̱ng Yesu, “N na nang ang shi bibyin ntyok nani, a̱wot a na nyia̱ tyok tazwa na, mat na̱ yet á̱si̱ nung nia. A̱wot ka̱ n doot n nang a̱tyu nang n chat nang hu a̱ni. Mat a̱nia, ka̱ a kyuak ntong a̱zaghyi nung, a̱mgba̱m na, n na nang ang naa.” Yesu si̱ bu nwuak A̱ta̱nyeang ka shim nyia̱, “Á̱ lyuut ma̱ A̱lyiat A̱gwaza na nyia̱, ‘Ku yet ta hwa a kyuak ntong a̱zaghyi A̱tyoli a̱ yet A̱gwaza ang a̱ni; a̱wot nggu wa a bu nyia̱ nggu ta̱m ma̱nyin nggu.’ ”

A̱jawa A̱ta̱nyeang ka si̱ bu kyiak Yesu a̱ nat ndyo Urusha̱lima. Ka̱ si̱si̱ sak gu da̱ a̱ga̱nga̱ng a̱ta̱n A̱li Nwuat Za̱nang A̱gwaza ka. Ka̱ si̱ nyia̱ ma̱ng a̱nggu, “Ka̱ nwan wa yet Nggwon A̱gwaza ka chi̱k, fi̱p kwa a̱byin! Mat á̱ lyuut ma̱ A̱lyiat A̱gwaza na nyia̱, ‘A̱gwaza na kam a̱yaata̱m tswá nggu ba ba̱ cham ang; ba̱ bu chok ang shansham. A̱wot ba̱ na fwun ang ma̱ng mbwak mba na; kalak a du tuk tak ang hu da̱ a̱fang, a kwa.’ ” Yesu si̱ bu nwuak ka shim nyia̱, “Kaai, á̱ lyuut ma̱ A̱lyiat A̱gwaza na, nyia̱, ‘Yok mak mi̱ mak a mak A̱gwaza yet A̱tyoli ang a̱ni bah.’ ”