Popular Bible Verses from Markus 13

Share

Ni̱bu ka ko chi̱nu di̱ne di̱n mi̱ne. Aya nii wu ka mu ni̱ru ka lami̱nti̱ di swan kute, ka swidu.”

Aya yo ta yimbu yo ki̱chitu wu ka fwede, ti̱swe sobu ti̱nang ma ki̱yolang.”

Yo ni̱bu ka tau chi̱nu ka yikan bwana kan mwataki̱ne, ti̱wulu tayi we, ti ta fwadu ko wule. Chi ka chiredu a yii chi̱ne ti̱fwa, di̱ne n ke bi̱chim, ya̱m Fi̱ki̱m Kwamam.

Dii n ti ti̱mu ka twiyadu. Aya ya̱m mi̱mu a ne ka twiyadu ki̱diya kwadu.

“A ne nii a yim di n ti ki̱swi ki̱lake we, kono nang ni̱bu ti̱tumbi̱ri Kwamamu, ka Bwe Kwama, aya kana Kwama Te n ki̱kun.

Ka ti̱ nwe ya̱mi kumbiyu n ti ya̱mi ki̱ngasiyu a kunniye, ti̱wulu we. A kau ti̱chitu wu ka fwedi yiko. Aya di swa̱n kute a lanbu didin.

“Di̱ne yiko, ma ki̱yolang yinang, di̱ne ta yimbu ki̱swi Tewuduwe ka ki̱lade, ka menge, ka kume, ka ki̱tangti̱lang kumange, ka kunsine ka si̱ne. A yanuwe mun da duum, di̱ne ka ki̱ladu a ne di̱mwar we. Chi mi̱n mang fwa chimi̱ne, n fwa ka nang wuwule niye mi̱n ti̱n. Ti̱ma ki̱yolang!”

Kuu ka makadu n ti kuu. Yaa ka kuladu n ti yaa. Ti̱mu ka mi̱kadu we fantiyu dangtidangti, sunu ka ma ni̱bu. Aya ti̱tu n ke riye siine. Ti̱tu mweku riyeng.

Aya di̱mwar ya̱m bi̱li̱mi̱nu ka mwedu ka le ki̱teli ni̱biyu didiin we kuuti ki̱ni kwang.

Ni̱bu nabwen ka bedu ki̱ni di̱n mi̱n, ka yidu ko n chi nangki̱n, ka butu ni̱bu nabwen.

“Ti̱ma dandan ki̱ni dur chi̱nu, ni̱bu ka tau chi̱nu ka yikan kambi mwataki̱, ka twala chi̱nu we kambi murakitu, ni̱bu ka yikadu ki̱ni chi̱n a kakku mati̱m, we fiko ta kau chi mi̱n ni̱bu di̱mwari̱m.

Nangki̱m Masiyati ti̱kwaniyu n ti fa̱kubu ti̱kwanimu ka chiredu ka yung di̱mwal chi ka̱ta̱kitu n ti chi ya̱r yiitu ke a butu ni̱bu, kasi no nang bi̱suti̱ri̱m Kwamamu ka, ka kadde.

“Aya we diti riye yikiyu, a kuteng riyengu, Dii ka madi chitu, swangu a ne yii ti̱mu Ki̱switiyu ka twakadu, kwali̱n chi̱n di̱du a dii twiyenu ka mi̱kadu.