Popular Bible Verses from Luka 3

Share

Aya yo n Yowana a tibu le di̱bi̱nti̱le, n ki̱n a ma ni̱bu mi̱n batisma, yinu a ma Yesu mi̱n ti̱n. Yo n Yesu a le twa̱ba̱ ke, di a wuden. Fi̱ki̱m Kwamam yinang ki̱kube a sub we dur Yesunu, yinu di̱kan ker a chire a bwadi ko, “M mun nang bwemi, wu mang mi̱lane, mi̱n nwe ta̱ma̱ng mwangu yinange.”

N Yowana a yi chi ko, “Mi̱n ma chimi̱n batisma ki̱ni mwe, aya wukani ki̱bedu wu mang mwatanbu chi n ti ki̱ne, mang lwebu mang chuku ki̱wami kiyu, wu dwiyen kitu a su ti̱tu ni̱bu ka swe mi̱nu warete. N ki̱n ka ma chimi̱n batisma ki̱ni Fi̱ki̱m Kwamam n ti ki̱rang.

Ti̱ma nangang ki̱ku ka yungdu ti̱wo ki̱ti̱mang. Ti̱yidu tiko n te chi̱n nang Yibrayim, n ni̱ni wauwadu. N Kwama ki̱ni dukan kasi no nang kali yiyu, ka yodu ka kau Yibrayim mi̱n Bwesi̱m.

N Kwama a tu a do bwi ka swita tini we ki̱yineng tiyang kangu ka fwalu a ti̱m. Ka n chi a ki̱labu a duwebu ki̱letiye, n Kwama ka wela chidu nabwen, yinang ni wu ki̱swita tini yiyu a tubuchiyu ki̱twida ki̱range.”

Yinang ka a mwal we ti̱kwa̱liyi fa̱ku Yichaya ko, Ker niin ki̱ma di̱mwar we di̱kiru ko, “Ti̱do ni̱tu chi̱ntu ke Tewuduwe a be swe we, ti̱ma nangang ki̱yilang. Kanang wuwule la ka ridu. ka nang ki̱ki̱le bange ti kunitu ka dadi wam. wa̱ri yi kanariyu, ka yadi der. Wa̱ri yi cha̱ki̱li cha̱ki̱liyu ka dadi twai. Kuu ti̱me ki̱ni kwang ka ku yuku Kwamangu.”