Popular Bible Verses from Yowana 15

Share

“Mi̱n yinang bwi tiyang yinabe n ti̱n yinang ki̱yangti. Wu ki̱sweda di̱mi̱ne yinu m mi̱n a di̱ki̱ne, ka kadu nang ki̱yange wu ki̱tu chitu nabwene. Ka n ke mi̱ne a neta medu ta ma chi.”

Ti̱swe a di̱mi̱ne. M mi̱n nang ki̱yange yinab wuyile. Ki̱yange a ne tu chi, ka a ne bwi wenge. N ti̱n a ne ta ma chi, ka ta tibu a di̱mi̱nenge.

Ka n ti̱n we ti mi̱ne yinu ti̱kwa̱li yi mitu a swe a di̱chine, ta bi̱u chitu ti̱baditu, mang ni chi̱nu.

Ta sutiyebu, aya m mi̱n n sutu chi̱n. N sutu chi̱n mi yati̱ma nangang ki̱yilang ki̱ku a ne kaiyadu kaiyaneng. Ka ti̱maye, n temi ka ni chi̱n kasi no ti̱bi̱u ti̱ti̱le chi ti̱tu ta bi̱du a di̱n mi̱nitu.

Mi̱laku ki̱duwang ki̱ku wuka nii a mangbuwengu nang ki̱ku, nii a ni ti̱kuri kitu di̱ne fati̱bi̱ ki̱m.

Ka wuwule ki̱yange wa tubu chiye, ki̱swidu ki̱mara bwa, aya wu ki̱tu chiye, ki̱dodu ko ke a tu chitu yinang.

Yilang mangu nang ki̱ku. Ti̱mi̱la yichiyu, yinang ka mang mi̱la chi̱nangu.

Nang tiyangu n temi ka ya dwiyen tangu, ta tu ti̱kulantu nabwen. Ti̱tu ka yung ni̱bu ko n ti̱n miyari̱m mi̱mitu.

N Yesu a yi ko, “Mi̱n yinang tiyang yinabe ki̱yilang. M temi nang naba toke.”

Kanang wuwule nii wu a sweba di̱mi̱ne, n ki̱n a lakabu ti ki̱yange a kusu niyang mar a bwa. Yiyu ki̱yangti a kau yimwari a ki̱rang.

N fwa chimi̱n bi̱bu ke furi mwen chi̱nu a dudu chi̱n we, aya ke furi mwen chi̱nu a ri i chibu.

Ka ti̱bunti̱ yili̱n mite, ta swedu we mi̱laku mangu, yinangu m mi̱n mang bunti̱ yili̱n Tetangu, mang swetuwe a ki̱ke kongu.

Yilang mangu n ki̱u, ti̱mi̱la yichiyu.”

Ka no n ti̱n ni̱bu ti̱ti̱nime, ni̱bu ti̱ti̱nimu a no mi̱la chi̱nu ko m bi̱u chi. Aya di̱ne n ti̱n n ke bi̱bu a ti̱ti̱nime, n ti̱n bi̱suturi̱m mi̱m, a yo ti̱ti̱nitu a ko chi̱n.