Popular Bible Verses from Mark 15

Share

Ma nap’an ni dalip e kolok me non Jesus nri ba ga’ laman ni be ga’ar, “Eloi, Eloi, lema sabachthani?” ni fan e pi thin ney e be ga’ar, “Got rog, Got rog, mangfan ni kam n’igeg?”

Ma en ni pilungen e salthaw nib sak’iy u but’ u m’on ko re kuruth nem e guy rogon ni non Jesus ni ba ga’ laman nge mu’ me aw e fan rok, me ga’ar, “Re mo’on ney e riyul’ ni Fak Got ir!”

Ma fa gi mad ni kan tining ngalang u Tempel e mogchoth u lang nga but’ nge par nike ruw yang.

Me non Jesus ni ba ga’ laman, me aw e fan rok.

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Me ere tafinaynag Pilate ni nge yan nga laniyan’ fapi girdi’ ni yo’or, me pag Barabbas. Ma aram me yog ni ngan toy Jesus, nge mu’ me pi’ ni ngan richibiy ko kuruth.