Popular Bible Verses from Mark 10

Share

Ya mus ngak e en ni Fak e Girdi’ ma de yib nga fayleng ni ngan pigpig ngak; ya yib ni nge pigpig me pi’ e pogofan rok nge biyuliy e girdi’ ni pire’ ngay.”

Me changar Jesus ngorad me fulweg ngorad ni ga’ar, “Girdi’ e dabiyag rorad, machane Got e rayag rok; ya Got e gubin ban’en mrayag rok.”

Me ga’ar Jesus ngak, “Mman, michan’ rom ngak Got e ke gol nigem.” Ma kachingiyal’ nem me yag ni nge guy ban’en, me un ngak Jesus ko gin ni be sor ngay u daken e kanawo’.

Ere thangri dabi dareg e girdi’ e gali cha’ ni Got e ke chagiyrow.”

Me changar Jesus ngak nike runguy me ga’ar ngak, “Ka ba’ ta’a ban’en ndawori yag rom. Mman ngam pi’ ni chuway’ urngin ban’en ni ba’ rom ma ga fek e salpiy riy ngam pi’ ngak e pi’in yad ba gafgow, ma aram e ke yag e fla’ab ngom u tharmiy; ma ga yib ngam un ngog.”

Me ga’ar Jesus ngak, “Mang e ga ba’adag ni nggu rin’ ngom?” Me ga’ar fare malmit ngak Jesus, “Tamchib, gu ba’adag ni nge yag ni gguy ban’en bayay.”

Machane gimed e gathi ireram e n’en ni ngam rin’ed. Fa’anra ba’adag bigimed ni nge mang ir e ba tolang, ma ir e thangri mang tapigpig romed ni gimed gubin

Mu ted fanmediyan ko re bugithin ney! En ni dabi bodnag ir bochi tir nge pag ir nga pa’ Got nge mang Got e i gagiyegnag e dabiyag nra yan ko gin nsuwon Got.”

Machane bo’or e girdi’ ni yad mm’on e chiney ni bay ra tomurgad, ma bo’or e girdi’ ni yad ba tomur e chiney ni bay ra m’ongad.”

Machane som’on ko ngiyal’ ni ba’aram, ni sunumiy Got urngin ban’en, ‘Me sunumiy Got e girdi’ ni bagayow e be’ nib mo’on ma bagayow e be’ ni bpin.’ ‘Ireray fan ni ra digey e pumo’on e chitamngin nge chitiningin ngar pirew leengin, miyow par ni kar ta’ab girdi’gow.’ Ireray e tin nike yog e babyor nib thothup. Ya aram e gathi ku yow ba ruw ni girdi’, ya kar ta’ab girdi’gow.