Popular Bible Verses from Injil 2: Markus 2

Share

Ikan hunia Isae ou moulana oḳolre ḳoila, “Bala manshor ḳobiraz lage na, oile bemarir to lage. Ami forezgaror gese aisi na, gunagar oḳolre-u daot ditam aisi.”

Tarar imanor bol dekia tain ou ordong bemarire ḳoila, “Baba, tumar tamam guna maf ḳori dilailam.”

Isae tarare aro ḳoila, “Zummabaror balair lagi to manshore banail oise na, oile manshor balair lagi-u Zummabar banail oise.

Oile biṛor lagi tare Isar gese loia zaita farla na. Erdae tain ze zagat boat asla, ṭik tar ufror sal fuṛ ḳoria folo shudda ou bemarire lamat lamai dilo.

Te oḳon afnara forman deḳoukka, i duniat guna maf ḳorar ḳemota ami bin-Adomor ase,” oḳan ḳoia-u tain bemari beṭare ḳoila, “Ami tumare ḳoiar, uṭo, tumar folo loia tumar baṛit zao.”

I ordong bemarire kunḳan ḳoa amar lagi shuza, tumar guna maf ḳora oilo, na, uṭo tumar folo loia aṭia zaogi?

Teu loge loge ou bemari beṭa uṭia tar folo loia hoḳlor samne-u bar oia gelo. Ikan dekia hoḳole taijjub oia ḳoila, “Subohan Alla, zindegie kunudin ilaḳan ḳam deḳsi na.”