Popular Bible Verses from Injil 2: Markus 13

Share

Ar amar lagi hoḳole tumrare ginnaibo, oile hesh forzonto ze ṭikia roibo, he rehai faibo.

Tumra hushiar o, kial ḳori solo ar dua ḳoro. Hi din kun shomoy aibo, tumra ḳeu to zano na.

Tumrare doria zebla bisaro neoa oibo, ou shomoy kita zuaf ditae, ita loia age kunu sinta ḳorio na. Hou shomoy tumrare zeta hikaia deoa oibo, tumra ota-u ḳoio. Ashole tumra to hino mattae nae, Pak Ruhe-u matiba.

Asman-zomin hoḳolta binash oizibo, oile amar kalam hamesha ḳaim roibo.

“Hou din ar hi shomoyor befare ḳali amar gaibi baf bade ar ḳeu zanoin na. Asmani firista ba ḳas mayar zone-o zanoin na.

Oile zuddor aoaz ar laṛair ḳobor hunia tumra ḍoraio na. Ita nisoy goṭbo, goṭle-o ita to shesh nae.

Tumra-o oula hozag roio. Baṛir malik kun shomoy aiba, hainja bala, maz raite, fotabala na fozore aiba, ikan to tumra ḳeu zano na. Tain aḳta aile zanu na deḳoin, tumra gumai roiso. Ami tumrare zela ḳoilam, hoḳolre-u oula ḳoiram, hozag ro.”

Eḳ zatie aroḳ zatir loge, eḳ deshe aroḳ deshor loge laṛai korbo. Bout zagat boisal ar nidan deḳa dibo. Oile ita to ḳali mosibotor shuru.

Foyla duniar tamam zatir gese Allar deoa kush-ḳobri toblig kora zorur.

Bout zone amar nam doria aia ḳoibo, ami-u hein, ḳoia boutre ṭogibo.

“Tumra nizor befare hushiar roio. Manshe tumrare doria bisaror adaloto shomzaibo. Mosidor bitre tumrare singladi mara oibo. Amar lagi tumrare deshor raza-bashshar samne neoa oibo. Tumra erar samne amar befare shakki dibae.

Ḳaron bout bonḍoe aia ḳoibo, ami-u al-Mosi, ar bout bonḍo nobi-o aiba. Shombob oile tara Allar fosond ḳora bonda oḳolre-o duka dia be-fote nita ḳori bout keramoti-muzeza deḳaiba.

“Ou mosibotor shomoy faronir bade, Shuruz andair oizibo, sande ar for dito nae. Tera oḳol asman taki kulia foṛizibo, asmanor kunu shoktiala siz-u ṭik-ṭak roito nae.