Popular Bible Verses from Injil 1: Moti 10

Share

“Huno, raikkosh bagor samne meṛar laḳan ami tumrare faṭairam. Erlagi tumra hafor laḳan salaḳ-sotur ar faro fakir laḳan shorol o.

Ze zone tar nizor zan basaito sae, he tar asol zindegi kuaibo. Oile ze zone amar lagi tar zan kurbani dilae, he asol zindegi faibo.

Zara manshor ḳayare binash ḳorto fare, oile ruhre kunta ḳorto fare na, tarare ḍoraio na. Zein ḳaya ar ruhu duiotare duzoḳo zalaita faroin, ḳali tanre-u ḍoraio.

Ze zone nizor duk-koshṭor solib boia loia amar ḳore na ae, he-o amar zuka nae.

“Shomazor samne ze zone amare kobul ḳore, ami-o amar behesti baf Alla Pakor samne tare kobul ḳormu. Oile ze manshe shomazor samne amare oshikar ḳorbo, ami-o tare amar behesti baf Allar samne oshikar ḳormu.

Ar tumra bemari oḳolre bala ḳorio, morare zinda ḳorio, fosa-kusṭo bemarire bala ḳorio, ar zin-but saṛaio. Tumra zela bina ṭeḳae faiso, oula bina ṭeḳae-u dio.

Erdae tumra ḍoraio na. Tumrar dam to bout soṛa taki-o beshi.

“Tumra mono ḳorrae ni, ami duniat shanti ditam aisi? Na, muṭe-u nae, ami to duniat eḳ motobed laganit aisi.