Popular Bible Verses from Injil 4: Hannan 19

Share

I shorbot ḳaia harle tain ḳoila, “Shesh oigese.” Oḳan ḳoia, tain mata nuaia aḳeri dom falaila.

Erbade hokkolta shesh oigese zania, al-Zobur kitabor ayat zate fole, otar lagi Isae ḳoila, “Amar fiase dorse.”

Isae deḳla, tan ma ar mayar hou sahabi daro ubai roisoin. Dekia foyla tan maʼre ḳoila, “Mai go, ounu tumar fua.” Ar sahabire ḳoila, “Bai, ounu tumar ma.” Ou shomoy taki i sahabie Isar maʼre tan nizor goro loia gelagi.

Tara Isar gese aia deḳlo, tain mara gesoin, erlagi tan fao banglo na. Oile eḳ sifaie sulfi dia tan fatti-aṛor mazedi faṛ marlo, faṛor loge lou ar fani bar oia ailo.

Ita oisil zate Pak Kitabor ou ḳota fura oy, kitabo ase, ‘Tan eḳṭa aḍḍi-o banga oito nae.’ Eoḳan ase, ‘Zara tanre gatise, tara tan bae sai roibo.’

Bade Isae tan solib nize boia ‘Ḳollar Saṛ’ namor zagat gela. Ibrani bashae i zagar nam Golgata.

Ar sifai oḳole gosa-ḳaṭa dia eḳ mukuṭ banaia tan matat dilo, ar baingoni rongor bashshai lebas findailo.