Popular Bible Verses from Injil 4: Hannan 15

Share

Ami-u angur gas, ar tumra oilae ḍal-fala. Ze zon amar loge lagail taḳe, ami-o tar loge lagail roi, teu tar zindegit bout fol dore. Ar, amare saṛa to tumra kunta-u ḳortae faro na.

Tumra amar maze ro, ami-o tumrar dilo roimu. Angur gasor loge ḍal zudi lagail na taḳe, te ḍale zela nize nize fol doraito fare na, oula tumra-o amar maze na roile nize nize folala oitae faro na.

Tumra zudi amar loge lagail taḳo ar amar kalam ḳanain tumrar dilo taḳe, te tumrar zeta ichcha ota-u saio, ita tumrare deoa oibo.

“Amare to tumra fosond ḳorso na, borong ami-u tumrare fosond ḳorsi ar ḳamo lagaisi, zate tumrar zindegi folala oy ar ou fol ṭikia roy. Teu amar name gaibi bafor gese zeta saibae, tain tumrare diba.

Ḳeu zudi nizor dustor lagi zan bilai dey, te tar taki ar beshi maya ḳar ase?

Amar zeta ḍalainto fol dore na, tain itare ḳaṭia falai dein. Ar zeta ḍalainto fol dore, tain itare saṭia saf-sutra ḳori raḳoin, zate aro beshi fol dore.

Amar hukum oilo, ami zela tumrare maya ḳorsi, tumra-o oula eḳe-oinnore maya ḳoro.

Tumrar zindegit zudi bout fol dore, ar olaḳan tumra nizore amar ummot hishabe forman ḳorilao, te amar gaibi bafor tarif oibo.

Hozrot Isae ḳoila, “Ami-u asol angur gas ar amar baba girost.

“Amar loge ḳeu lagail na roile, tare ḳaṭa ḍalor laḳan falai deoa oy ar roide hukai zae. Bade hukna ḍalain tubaia aguino dein, teu ita zoli-fuṛi zae.

“Ami tumrare ita ḳoilam, zate amar kushi tumrar dilo taḳe ar tumrar kushi fura oy.

Ami amar bafor hoḳol hukum-ahkam mania zela tan mayar maze roisi, tumra-o oula amar hukum-ahkam manle amar mayar maze roibae.

Ami tumrare ou hukum diar, tumra eḳe-oinnore maya ḳoro.

Tumra zudi ou duniar oitae, te tara tumrare nizor hishabe bala failo one. Tumra to i duniar nae, ami tumrare duniar maz taki fosond ḳorsi gotike tara tumrare ginnae.