Popular Bible Verses from Injil 20: Iakub 1

Share

O amar bai oḳol, tumra zebla nanan zator forikkar maze foṛo, i shomoy ita kub kushir befar mono ḳorio. Zano to, imanor forikkae tumrare tir taḳar ḳemota baṛai dey.

Tumrar maze ḳeuror zudi aḳolor ḳomti taḳe, te he zanu Allar gese sae, teu faibo. Tain kunu bezari bab na ania hokkolre-u behishab dan ḳoroin, ḳali ate firain na.

O amar mayar bai oḳol, mono rakio, tumra age huno bade mato, zoldi gusa ḳorio na.

Ar i tir taḳar ḳemotare ḳamo lagao, zate tumra kamil ar ḳaṭi oia tumrar kunu ḳomti na roy.

Allar kalam ḳali hunle-u oito nae, olaḳan amol-o ḳoro. Kalam hunia zudi amol na ḳoro, te tumra nizore ṭogirae.

Mubarok hou zon, ze zon forikkar shomoy mozbut roy. Forikkat kamiab oile joyor mala hishabe he aḳer faibo. Ou mala tan ashik oḳolre diba ḳori shoyong Alla Pake oada ḳorsoin.

Hokkol bala ar nikut dan to behest tone lamia ae, zein asmani nur oḳol foyda ḳorsoin, hou Allar ges tone ae. Ou nur oḳol sebar laḳan ḍulaḍuli korle-o, tain ila ḳoroin na.

Ḳeu zudi i kalam hunia amol na ḳore, te he ou manshor laḳan, ze aynat nizor sera dekia zaegi, bade horia gia faurilae tar sera kilaḳan.

Etim oḳolre ar ṛaṛi beṭintore bifodor shomoy shae-shaijjo ḳora, erloge duniar hoḳol naformani taki nizore fak-saf raḳa-u oilo, Allar nozoro ḳaṭi ar sohi ebadoti.

Kunu manshe gunar bae eshki oia zanu na ḳoy, Allae amare gunar fote ṭanira. Kunu naformanir fote-u Allare ṭana zae na, tain-o ḳeurore i fote nein na. Oile manshor nizor dile-u ṭania nia tare fando falae.

Ze imandar bai gorib, tare boṛo banaisoin ḳoria he nizore mubarok mono ḳorouk.