Popular Bible Verses from Injil 19: Ibrani 4

Share

Allar kalam to zinda ar bolala ḳamla, duio gala darail toluaror saite-o beshi darala. I kalame fuṛ ḳoria manshor bitre hamaia dil-ruh, aḍḍi-gustre algae, ar dilor bitoror niot-sinta hokkoltare forikka ḳoria deḳe.

Erlagi aukka, amra himmot ḳoria Allar rohomotor toḳtor kinaro zai, zate meherbani hasil ḳortam fari, ar zelaḳan rohomotor goroz ase, ou laḳan rohomot-o fai.

Ḳaron amrar fordan imam i laḳan nae zen, amrar kunu ḳomzurir duke tain duki oita nae, tain-o amrar laḳan hokkol zator gunar forikkat foṛsoin, oile kunuzat guna ḳorsoin na.

Allar foyda ḳora kunu moḳluḳat-u tan gese lukail nae. Tan souḳor samne hokkolta-u kula-mela zair ase, tan gese-u amrar hishab dite oibo.

Amra to ola eḳ fordan imam faisi, zein tamam asman far oia hari Allar arsho toshrif nisoin, tain-u Allar ḳas mayar zon, Isa Ibnulla. Te aukka, amra tan kolimare mozbut ḳori mani.

Te ao, amra-o hi aramor maze hamanir lagi kas dile aguai, zate hou naforman Boni Israilor laḳan Allar hukumor birudde gia, i aram taki bad na foṛi.