Popular Bible Verses from Injil 19: Ibrani 10

Share

Kunu kunu zonor shobab oilo, tara zomato aia shorik oy na, oile amra zanu ou laḳan na oi. Al-Mosie dusrabar toshrif anar oḳt zoto gonaia aior, amra oto beshi kori eḳe-oinnore shaosh-foramish deoat roi.

Amra eḳe-oinnor lagi kial ḳori, mohobbot ar nek kam ḳorar lagi eḳe-oinnore shaosh-foramish dei.

Mumin hishabe amrar dilo ze borosha ase ḳoia shikar ḳori, ao, ou boroshae furafur mozbut roia tan torikae soli, ḳaron zein oada ḳorsoin ein to shullo-ana hok-halali.

Tumra mozbut roa dorḳar, zate Allae ze furuskar diba ḳori oada ḳorsoin, tan morzi mafik solia tumra-o hou furuskar fao.

Erlagi ao, imanor mazdi amra furafur nichchit bonia ḳaṭi dile Allar dorbaro azir oi; ḳaron dushi bibeḳor at taki amrar dilre al-Mosir loue fak-saf banaise, ar forishkar fani dia amrare naoail oise.

Te oḳon tumrar hi monobol kuaio na, ermaze to bout dami furuskar ase.

Alla Pakor hok torika zanar bade-o zudi amra zania-hunia guna ḳorat roi, te i gunar koforar lagi kunuzator kurbani nai. Ase ḳali Hashoror moydano ḳoṭin bisaror lagi ḍorai ḍorai bar saoa, ar Allar dushmon oḳolre zalaia sali korar gozobor ḍor.