Popular Bible Verses from Injil 5: Sahabi Nama 1

Share

Oile Pak Ruhu tumrar ufre ḳaim oia harle tumra gaibi bol faibae, ou bole Zeruzalem, asta Ehudia ar Shomoria elaḳa, ar duniar hesh shimana forzonto amar shakki oibae.”

Isae zuaf dila, “Ze oḳt ba zomana amar gaibi bafe tan nizor eḳtiaro raḳsoin, ita tumra zanar goroz nai.

Isae tara hokkolor loge ekḳano shorik oia ou hukum dila, “Tumra Zeruzalem taki zaio na, amar gaibi bafor oada ḳora ze danor ḳota tumra age amar gese huncho, er lagi ono bar sao. Hozrot Ehiae to fanir maze toubar gusol ḳoraita, oile besh deri oito nae Allae tumrare Pak Ruhu dia gusol ḳoraiba.”

Tan toklif ḳaimor bade tain zen zinda asoin iṭar bout kisimor alamot deḳaisoin. Sallish din dori tain sahabi oḳolre deḳa dia Allar bashshair bishoye batchit ḳorsoin.

Ou mator bade-u sahabi oḳlor souḳor samne Isare tulia neoa oilo, ar tain megor ṭukrar aoṛ oigela.

Isa zebla asmano uṭira i shomoy sahabi oḳole souk na firaia asmanor bae sairoila, ou shomoy dola ḳafoṛ finda duizon beṭa manush tarar ḳandat ubaia ḳoila, “O Galilor manush oḳol, ikano ubaia asmanor bae sairiso ḳene? Zare tumrar ges taki tulia neoa oilo, ou Isare zelaḳan tumra behesto zaite deḳlae, ou laḳan tain firia-o aiba.”