Popular Bible Verses from Injil 22: 2-Fitor 3

Share

Kunu kunu manshe mono ḳoroin, malike tan oada furon ḳorte deri korra, ikan ṭik nae. Ashole tain tumrar bae sobor ḳoria roisoin, tain saira na ḳeu binash ouk, borong hoḳolre touba ḳorar shuzug dira.

Ta-o bai oḳol, tumra ikan faurio na, malikor gese eḳ din eḳ azar bosoror homan ar eḳ azar bosor eḳ dinor homan.

Tumra amrar malik ar toraneala Isa al-Mosir rohomote ar tanre sinar takkote baṛia uṭo. Oḳon ar hor-hamesha tan mohima zari rouk. Amin.

Oile Malik Isa aibar din to suror laḳan aḳta-u aibo. Hou din asmane hu hu aoaz ḳoria binash oibo ar foyda ḳora hoḳolta aguine golia milai zibo. Dunia ar ermaze zotota ḳora oise, hokkolta zair oibo.

Olaḳan hokkolta binash oibo zania, tumra kilaḳan roa zorur? Tumra fak-fobitro roia forezgar zindegi kaṭaia, Allar ṭik kora dinor lagi ashik oia bar sao. Hou din to asman zoli zoli binash oibo ar foyda ḳora hoḳolta aguine golizibo.