Popular Bible Verses from Injil 23: 1-Hannan 2

Share

Oḳon kial ḳori huno, tumra i dunia ar zogot-shongsharor kunutar mayat foṛio na. Ze manush duniar mayat foṛizae, he to nizor behesti bafre mohobbot ḳore na. Zano to, duniat zeta mile, ita oilo, roḳto-mangshor ḳaish, souḳor lub-lalos ar shongsharor bahaduri, ita kunuṭa-u behesti bafor ges taki ae na, ḳali dunia taki ae.

Te duniabi zogot-shongsharor hokkol bahadurir din fuṛai zar, oile ze bondae Allar morzi zugai sole, he to siroḳal ṭikia roibo.

ar tan maze boshot ḳori koile, amrar lagi zorur oilo, tain zela solchoin, amra-o ola sola.

O amar sabal oḳol, ami tumrar gese ita leḳram, zate tumra gunar ḳam taki basia ro. Erbade-o ḳeu zudi kunu guna ḳorilae, te behesti babar dorbaro amrar eḳzon fak-forezgar shafayatḳari asoin, tan nam Isa al-Mosi.

Ar ze manshe ḳoy tanre sine, sinia-o tan hukum-ahkam mane na, he misa mate, tar dilo hokikoti nai.

Oḳon amra tanre sini ni? Nichchoy sini, amra tan hoḳol hukum-ahkam manle buza zaibo, amra tanre sini.

Kunu manshe zebla ḳoy, he Allai nuror foro ase, otoso tar baire ginnae, he ashole andarit roise.

Hozrot Isa-u Allar oada ḳora al-Mosi, ikan zegie shikar ḳore na, he to nichchit misa matra. Gaibi baf ar tan ḳas mayar zon Ibnullare zegie oshikar ḳore, he-u oilo dorjal.

Ou mayar zonre zegie oshikar ḳore, behesti bafor loge tar kunu ḳatir-shomporko nai, ar ze manshe mayar zonre shikar ḳore, tar loge to behesti bafor-o ḳatir-shomporko ase.