Popular Bible Verses from ꠁꠘ꠆ꠎꠤꠟ ৩: ꠟꠥꠇ 16

Share

“ꠎꠦ ꠝꠣꠘꠥꠡ ꠡꠣꠝꠣꠁꠘ꠆ꠘ ꠛꠦꠙꠣꠞꠦ ꠢꠇ-ꠢꠣꠟꠣꠟ ꠞꠄ, ꠢꠦ ꠛꠠ ꠛꠦꠙꠣꠞꠦꠅ ꠢꠇ-ꠢꠣꠟꠣꠟ ꠞꠄ। ꠅꠁꠟꠦ ꠎꠦ ꠎꠘꠦ ꠡꠣꠝꠣꠁꠘ꠆ꠘ ꠛꠦꠙꠣꠞꠦ ꠛꠦꠁꠝꠣꠘꠤ ꠇꠞꠦ, ꠢꠦ ꠛꠠ ꠛꠦꠙꠣꠞꠦꠅ ꠛꠦꠁꠝꠣꠘꠤ ꠇꠞꠦ।

ꠇꠥꠘꠥ ꠉꠥꠟꠣꠝꠦ ꠄꠇꠟꠉꠦ ꠖꠥꠁ ꠝꠥꠘꠤꠛꠞ ꠉꠥꠟꠣꠝꠤ ꠇꠞꠔ ꠙꠣꠞꠦ ꠘꠣ। ꠔꠦ ꠅꠁꠟꠦ ꠢꠦ ꠄꠇꠎꠘꠞꠦ ꠁꠋꠡꠣꠁꠛ, ꠀꠞꠇ ꠎꠘꠞꠦ ꠝꠣꠄꠀ ꠇꠞꠛ। ꠄꠇꠎꠘꠞꠦ ꠁꠎ꠆ꠎꠔ ꠖꠤꠛ ꠀꠞ ꠀꠞꠇ ꠎꠘꠞꠦ ꠄꠟꠣꠝꠤ ꠇꠞꠛ। ꠔꠥꠝꠞꠣꠅ ꠅꠃꠟꠣ, ꠀꠟ꠆ꠟꠣꠔꠣꠟꠣ ꠀꠞ ꠗꠘ-ꠍꠣꠝꠣꠘꠣ ꠖꠥꠁꠅꠔꠣꠞ ꠉꠥꠟꠣꠝꠤ ꠄꠇꠟꠉꠦ ꠇꠞꠔꠣꠄ ꠙꠣꠞꠔꠣꠄ ꠘꠣꠄ।”

ꠔꠦ ꠔꠥꠝꠞꠣ ꠎꠥꠖꠤ ꠖꠥꠘꠤꠀꠛꠤ ꠗꠘ-ꠍꠣꠝꠣꠘꠣꠞ ꠛꠦꠙꠣꠞꠦ ꠢꠇ ꠘꠣ ꠞꠅ, ꠔꠣꠁꠟꠦ ꠇꠦ ꠔꠥꠝꠞꠣꠞꠦ ꠛꠤꠡ꠆ꠛꠣꠡ ꠇꠞꠤꠀ ꠀꠍꠟ ꠗꠘ ꠖꠤꠛ? ꠙꠞꠞ ꠍꠣꠝꠣꠘꠣ ꠎꠥꠖꠤ ꠔꠥꠝꠞꠣ ꠑꠤꠇ-ꠑꠣꠇ ꠝꠔ ꠛꠦꠛꠢꠣꠞ ꠇꠞꠔꠣꠄ ꠘꠣ ꠙꠣꠞ, ꠔꠦ ꠇꠦ ꠔꠥꠝꠞꠣꠞ ꠘꠤꠎꠞ ꠍꠣꠝꠣꠘꠣ ꠔꠥꠝꠞꠣꠞ ꠀꠔꠅ ꠖꠤꠛ?

ꠁꠛ꠆ꠞꠣꠢꠤꠝꠦ ꠇꠁꠟꠣ, ꠔꠣꠞꠣ ꠎꠥꠖꠤ ꠢꠎꠞꠔ ꠝꠥꠍꠣ ꠀꠞ ꠘꠛꠤ ꠅꠇꠟꠞ ꠇꠕꠣ ꠘꠣ ꠢꠥꠘꠦ, ꠔꠦ ꠝꠥꠞ꠆ꠖꠣ ꠕꠣꠇꠤ ꠎꠤꠘ꠆ꠖꠣ ꠅꠁꠀ ꠉꠦꠟꠦꠅ ꠔꠣꠞꠣ ꠝꠣꠘꠔ ꠘꠣꠄ।”

ꠔꠦ ꠢꠥꠘꠅ, ꠎꠦ ꠛꠦꠐꠣꠄ ꠘꠤꠎꠞ ꠛꠃꠞꠦ ꠔꠣꠟꠣꠇ ꠖꠤꠀ ꠀꠞꠇ ꠛꠦꠐꠤꠞꠦ ꠢꠣꠋꠉꠣ ꠇꠞꠦ, ꠢꠦ ꠎꠤꠘꠣꠇꠥꠞ। ꠅꠃꠟꠣ ꠔꠣꠟꠣꠇ ꠙꠣꠅꠀ ꠇꠥꠘꠥ ꠛꠦꠐꠤꠞꠦ ꠎꠦꠉꠤꠄ ꠛꠤꠀ ꠇꠞꠦ, ꠢꠦ-ꠅ ꠎꠤꠘꠣꠇꠥꠞ।”