Popular Bible Verses from ꠁꠘ꠆ꠎꠤꠟ ৩: ꠟꠥꠇ 12

Share

ꠔꠥꠝꠞꠣꠅ ꠅꠟꠣ ꠔꠤꠀꠞ ꠞꠁꠅ, ꠇꠣꠞꠘ ꠎꠦ ꠅꠇ꠆ꠔꠞ ꠇꠕꠣ ꠔꠥꠝꠞꠣ ꠌꠤꠘ꠆ꠔꠣꠃ ꠇꠞꠔꠣꠄ ꠘꠣꠄ, ꠢꠃ ꠡꠝꠄꠃ ꠛꠤꠘ-ꠀꠖꠝꠦ ꠔꠡꠞꠤꠚ ꠀꠘꠛꠣ।”

ꠄꠞꠖꠣꠄꠃ ꠔꠥꠝꠞꠣ ꠁꠔꠣ ꠛꠣꠖ ꠖꠤꠀ, ꠈꠣꠟꠤ ꠀꠟ꠆ꠟꠣꠞ ꠛꠣꠖꠡꠣꠁꠞ ꠗꠣꠘ꠆ꠖꠣꠔ ꠞꠅ, ꠔꠦꠃ ꠁꠔꠣ ꠢꠇ꠆ꠇꠟꠔꠣꠃ ꠔꠣꠁꠘ ꠎꠥꠉꠣꠁꠛꠣ।

ꠔꠣꠁꠘ ꠝꠣꠘꠡꠞꠦ ꠇꠁꠟꠣ, “ꠈꠛꠞꠖꠣꠞ! ꠢꠇ꠆ꠇꠟ ꠘꠝꠥꠘꠣꠞ ꠟꠥꠜ-ꠟꠣꠟꠌ ꠕꠘꠦ ꠘꠤꠎꠞꠦ ꠛꠣꠌꠣꠅ। ꠇꠣꠞꠘ ꠗꠘ-ꠍꠣꠝꠣꠘꠣ ꠛꠣꠁꠀ ꠉꠦꠟꠦꠅ ꠁꠔꠣꠄ ꠝꠣꠘꠡꠞ ꠎꠣꠘ ꠛꠣꠌꠣꠄ ꠘꠣ।”

ꠇꠣꠞꠘ ꠔꠥꠝꠞꠣꠞ ꠗꠘ ꠎꠦꠘꠅ ꠞꠄ, ꠝꠘꠅ ꠢꠘꠅ ꠞꠁꠛ।

ꠇꠅ ꠌꠣꠁꠘ, ꠔꠥꠝꠞꠣꠞ ꠝꠣꠎꠦ ꠇꠦꠃ ꠌꠤꠘ꠆ꠔꠣ-ꠜꠣꠛꠘꠣ ꠇꠞꠤꠀ ꠔꠣꠞ ꠢꠣꠄꠀꠔꠤ ꠄꠇꠈꠣꠘ ꠊꠘ꠆ꠐꠣꠅ ꠛꠣꠠꠣꠁꠔ ꠙꠣꠞꠛ ꠘꠤ?

ꠛꠣꠖꠦ ꠁꠍꠣꠄ ꠔꠣꠘ ꠡꠣꠉꠞꠤꠖ ꠅꠇꠟꠞꠦ ꠇꠁꠟꠣ, “ꠄꠞꠖꠣꠄꠃ ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠇꠤꠔꠣ ꠈꠣꠁꠀ ꠛꠣꠌꠔꠣꠝ, ꠀꠞ ꠇꠤꠔꠣ ꠚꠤꠘ꠆ꠖꠤꠔꠣꠝ, ꠁꠔꠣ ꠟꠁꠀ ꠔꠥꠝꠞꠣ ꠌꠤꠘ꠆ꠔꠣ ꠇꠞꠤꠅ ꠘꠣ।

ꠀꠞ ꠇꠤꠔꠣ ꠇꠁꠔꠣꠝ, ꠔꠥꠝꠞꠣꠞ ꠝꠣꠕꠣꠞ ꠌꠥꠟꠞ ꠢꠤꠡꠣꠛꠅ ꠔꠣꠘ ꠉꠦꠍꠦ ꠀꠍꠦ। ꠔꠥꠝꠞꠣ ꠒꠞꠣꠁꠅ ꠘꠣ, ꠛꠃꠔ ꠌꠠꠣ ꠙꠣꠈꠤ ꠕꠘꠦꠅ ꠔꠥꠝꠞꠣꠞ ꠖꠣꠝ ꠔꠣꠘ ꠉꠦꠍꠦ ꠛꠦꠡꠤ।

“ꠔꠥꠝꠞꠣꠃ ꠀꠝꠣꠞ ꠝꠦꠠꠣꠞ ꠙꠣꠟ, ꠔꠥꠝꠞꠣꠞ ꠖꠟ ꠢꠥꠞꠥ-ꠝꠥꠞꠥ ꠅꠁꠟꠦꠅ ꠒꠞꠣꠁꠅ ꠘꠣ, ꠔꠥꠝꠞꠣꠞ ꠛꠣꠔꠥꠘꠤ ꠛꠣꠚꠞ ꠝꠞ꠆ꠎꠤ ꠅꠁꠟ, ꠔꠥꠝꠞꠣ ꠔꠣꠘ ꠛꠣꠖꠡꠣꠁꠞ ꠜꠤꠔꠞꠅ ꠢꠣꠝꠣꠅ।

ꠅꠃ ꠇꠣꠃꠀꠉꠥꠁꠘ꠆ꠔꠞ ꠛꠣꠄ ꠈꠤꠀꠟ ꠇꠞꠅ, ꠔꠣꠞꠣ ꠔ ꠈꠦꠔꠅ ꠇꠞꠦ ꠘꠣ, ꠚꠡꠟꠅ ꠇꠣꠐꠦ ꠘꠣ। ꠔꠣꠞꠣꠞ ꠃꠉꠣꠞꠅ ꠘꠣꠁ, ꠜꠣꠘ꠆ꠒꠣꠞꠅ ꠘꠣꠁ। ꠀꠟ꠆ꠟꠣꠄ ꠔꠣꠞꠣꠞ ꠞꠤꠎꠦꠇ ꠎꠥꠉꠣꠁꠀ ꠖꠦꠁꠘ। ꠔꠦ ꠔꠥꠝꠞꠣ ꠔ ꠅꠃ ꠇꠣꠃꠀ ꠕꠣꠇꠤ ꠛꠃꠔ ꠖꠣꠝꠤ।

ꠔꠦ ꠇꠤꠟꠣ ꠈꠣꠁꠔꠣꠝ, ꠇꠤꠟꠣ ꠌꠟꠔꠣꠝ, ꠁꠔꠣ ꠛꠦꠙꠣꠞꠦ ꠌꠤꠘ꠆ꠔꠣ ꠇꠞꠤꠅ ꠘꠣ, ꠛꠣ ꠅꠡ꠆ꠕꠤꠞ ꠅꠁꠅ ꠘꠣ।

ꠖꠦꠈꠞꠣꠄ ꠘꠤ, ꠎꠋꠉꠟꠞ ꠝꠣꠎꠦ ꠅꠃ ꠎꠔ ꠡꠥꠘ꠆ꠖꠞ ꠚꠥꠟ ꠅꠈꠘ ꠀꠍꠦ, ꠇꠣꠁꠟ ꠅꠁꠟꠦꠃ ꠝꠣꠘꠡꠦ ꠁꠔꠣ ꠖꠣꠞꠥ ꠛꠣꠘꠣꠁꠀ ꠀꠉꠥꠁꠘꠖꠤ ꠎꠣꠟꠣꠁꠛ। ꠀꠟ꠆ꠟꠣꠄ ꠎꠥꠖꠤ ꠅꠃ ꠎꠋꠉꠟꠞꠦ ꠅꠟꠣ ꠡꠥꠘ꠆ꠖꠞ ꠇꠞꠤ ꠢꠣꠎꠣꠁꠍꠂꠘ, ꠔꠦ ꠅ ꠇꠝꠎꠥꠞ ꠁꠝꠣꠘꠖꠣꠞ ꠅꠇꠟ, ꠔꠥꠝꠞꠣꠞꠦꠅ ꠔꠣꠁꠘ ꠡꠥꠘ꠆ꠖꠞ ꠇꠞꠤ ꠢꠣꠎꠣꠁꠔꠣ ꠘꠣꠄ ꠘꠤ?

ꠑꠤꠇ ꠅꠃ ꠈꠣꠝꠤꠞꠞ ꠟꠣꠈꠣꠘ, ꠁꠟꠣ ꠟꠥꠇꠣꠁꠟ ꠇꠥꠘ꠆ꠔꠣꠃ ꠘꠣꠁ, ꠎꠦꠔꠣ ꠎꠣꠁꠞ ꠅꠁꠔ ꠘꠣꠄ। ꠁꠟꠣ ꠉꠥꠙꠘ ꠇꠥꠘ꠆ꠔꠣꠃ ꠘꠣꠁ, ꠎꠦꠔꠣ ꠎꠣꠘꠣ ꠎꠣꠁꠔ ꠘꠣꠄ।