Popular Bible Verses from ꠁꠘ꠆ꠎꠤꠟ ৪: ꠢꠣꠘ꠆ꠘꠣꠘ 19

Share

ꠁ ꠡꠞꠛꠔ ꠈꠣꠁꠀ ꠢꠣꠞꠟꠦ ꠔꠣꠁꠘ ꠇꠁꠟꠣ, “ꠡꠦꠡ ꠅꠁꠉꠦꠍꠦ।” ꠅꠈꠣꠘ ꠇꠁꠀ, ꠔꠣꠁꠘ ꠝꠣꠕꠣ ꠘꠥꠀꠁꠀ ꠀꠈꠦꠞꠤ ꠖꠝ ꠚꠣꠟꠣꠁꠟꠣ।

ꠄꠞꠛꠣꠖꠦ ꠢꠇ꠆ꠇꠟꠔꠣ ꠡꠦꠡ ꠅꠁꠉꠦꠍꠦ ꠎꠣꠘꠤꠀ, ꠀꠟ-ꠎꠛꠥꠞ ꠇꠤꠔꠣꠛꠞ ꠀꠄꠀꠔ ꠎꠣꠔꠦ ꠚꠟꠦ, ꠅꠔꠣꠞ ꠟꠣꠉꠤ ꠁꠍꠣꠄ ꠇꠁꠟꠣ, “ꠀꠝꠣꠞ ꠙꠤꠀꠍꠦ ꠗꠞꠍꠦ।”

ꠁꠍꠣꠄ ꠖꠦꠈꠟꠣ, ꠔꠣꠘ ꠝꠣ ꠀꠞ ꠝꠣꠄꠀꠞ ꠢꠃ ꠍꠣꠢꠣꠛꠤ ꠗꠣꠞꠅ ꠃꠛꠣꠁ ꠞꠁꠍꠂꠘ। ꠖꠦꠈꠤꠀ ꠙꠄꠟꠣ ꠔꠣꠘ ꠝꠣʼꠞꠦ ꠇꠁꠟꠣ, “ꠝꠣꠁ ꠉ, ꠅꠃꠘꠥ ꠔꠥꠝꠣꠞ ꠙꠥꠀ।” ꠀꠞ ꠍꠣꠢꠣꠛꠤꠞꠦ ꠇꠁꠟꠣ, “ꠜꠣꠁ, ꠅꠃꠘꠥ ꠔꠥꠝꠣꠞ ꠝꠣ।” ꠅꠃ ꠡꠝꠄ ꠕꠣꠇꠤ ꠁ ꠍꠣꠢꠣꠛꠤꠄ ꠁꠍꠣꠞ ꠝꠣʼꠞꠦ ꠔꠣꠘ ꠘꠤꠎꠞ ꠊꠞꠅ ꠟꠁꠀ ꠉꠦꠟꠣꠉꠤ।

ꠔꠣꠞꠣ ꠁꠍꠣꠞ ꠉꠦꠍꠦ ꠀꠁꠀ ꠖꠦꠈꠟ, ꠔꠣꠁꠘ ꠝꠣꠞꠣ ꠉꠦꠍꠂꠘ, ꠄꠞꠟꠣꠉꠤ ꠔꠣꠘ ꠙꠣꠅ ꠜꠣꠋꠟ ꠘꠣ। ꠅꠁꠟꠦ ꠄꠇ ꠍꠤꠙꠣꠁꠄ ꠍꠥꠟꠚꠤ ꠖꠤꠀ ꠔꠣꠘ ꠙꠣꠔ꠆ꠔꠤ-ꠀꠠꠞ ꠝꠣꠎꠦꠖꠤ ꠚꠣꠠ ꠝꠣꠞꠟ, ꠚꠣꠠꠞ ꠟꠉꠦ ꠟꠃ ꠀꠞ ꠙꠣꠘꠤ ꠛꠣꠞ ꠅꠁꠀ ꠀꠁꠟ।

ꠁꠔꠣ ꠅꠁꠍꠤꠟ ꠎꠣꠔꠦ ꠙꠣꠇ ꠇꠤꠔꠣꠛꠞ ꠅꠃ ꠇꠕꠣ ꠙꠥꠞꠣ ꠅꠄ, ꠇꠤꠔꠣꠛꠅ ꠀꠍꠦ, ‘ꠔꠣꠘ ꠄꠇꠐꠣ ꠀꠒ꠆ꠒꠤꠅ ꠜꠣꠋꠉꠣ ꠅꠁꠔ ꠘꠣꠄ।’ ꠄꠅꠈꠣꠘ ꠀꠍꠦ, ‘ꠎꠣꠞꠣ ꠔꠣꠘꠞꠦ ꠉꠣꠕꠤꠍꠦ, ꠔꠣꠞꠣ ꠔꠣꠘ ꠛꠣꠄ ꠌꠣꠁ ꠞꠁꠛ।’

ꠛꠣꠖꠦ ꠁꠍꠣꠄ ꠔꠣꠘ ꠍꠟꠤꠛ ꠘꠤꠎꠦ ꠛꠁꠀ ꠇꠟ꠆ꠟꠣꠞ ꠌꠣꠠ ꠘꠣꠝꠞ ꠎꠣꠉꠣꠔ ꠉꠦꠟꠣ। ꠁꠛꠞꠣꠘꠤ ꠜꠣꠡꠣꠄ ꠁ ꠎꠣꠉꠣꠞ ꠘꠣꠝ ꠉꠟꠉꠣꠕꠣ।

ꠀꠞ ꠍꠤꠙꠣꠁ ꠅꠇꠟꠦ ꠉꠍꠣ-ꠇꠣꠐꠣ ꠖꠤꠀ ꠄꠇ ꠝꠥꠇꠥꠐ ꠛꠣꠘꠣꠁꠀ ꠔꠣꠘ ꠝꠣꠕꠣꠔ ꠖꠤꠟ, ꠀꠞ ꠛꠣꠁꠋꠉꠘꠤ ꠞꠋꠉꠞ ꠛꠣꠖꠡꠣꠁ ꠟꠦꠛꠣꠍ ꠚꠤꠘ꠆ꠖꠣꠁꠟ।