Popular Bible Verses from ꠁꠘ꠆ꠎꠤꠟ ৪: ꠢꠣꠘ꠆ꠘꠣꠘ 17

Share

ꠔꠥꠝꠤ ꠔꠣꠞꠣꠞꠦ ꠔꠥꠝꠣꠞ ꠢꠇ ꠖꠤꠀ ꠈꠣꠍ ꠢꠤꠡꠣꠛꠦ ꠞꠣꠈꠅ। ꠔꠥꠝꠣꠞ ꠇꠣꠟꠣꠝꠃ ꠅꠁꠟ ꠅꠃ ꠢꠇ।

ꠄꠇꠝꠣꠔ꠆ꠞ ꠢꠇ ꠀꠟ꠆ꠟꠣꠞꠦ ꠝꠣꠘꠤ ꠔꠥꠝꠣꠞꠦ ꠀꠞ ꠔꠥꠝꠤ ꠎꠦꠘꠞꠦ ꠙꠣꠑꠣꠁꠍ, ꠢꠃ ꠁꠍꠣ ꠀꠟ-ꠝꠍꠤꠞꠦ ꠌꠤꠘꠣꠃ ꠅꠁꠟ ꠀꠈꠦꠞꠤ ꠎꠤꠘ꠆ꠖꠦꠉꠤ।

“ꠔꠦ ꠀꠝꠤ ꠈꠣꠟꠤ ꠄꠞꠣꠞ ꠟꠣꠉꠤ ꠝꠤꠘꠔ ꠇꠞꠤꠀꠞ ꠘꠣ, ꠔꠣꠞꠣꠞ ꠟꠣꠉꠤꠅ ꠝꠤꠘꠔ ꠇꠞꠞꠣꠝ, ꠎꠦꠞꠣ ꠄꠞꠣꠞ ꠇꠕꠣ ꠢꠥꠘꠤꠀ ꠀꠝꠣꠞ ꠃꠙꠞꠦ ꠁꠝꠣꠘ ꠀꠘꠛ। ꠀꠝꠤ ꠝꠤꠘꠔ ꠇꠞꠤꠀꠞ ꠔꠣꠞꠣ ꠢꠇꠟ ꠎꠣꠘꠥ ꠄꠇ ꠅꠄ। ꠛꠣꠛꠣ, ꠔꠥꠝꠤ ꠎꠦꠟꠣ ꠀꠝꠣꠞ ꠟꠉꠦ ꠀꠍ ꠀꠞ ꠀꠝꠤꠅ ꠎꠦꠟꠣ ꠔꠥꠝꠣꠞ ꠟꠉꠦ ꠀꠍꠤ, ꠅꠃꠟꠣ ꠔꠣꠞꠣꠅ ꠎꠣꠘꠥ ꠀꠝꠞꠣꠞ ꠟꠉꠦ ꠝꠤꠟꠤꠀ ꠞꠂꠘ। ꠔꠦꠃ ꠖꠥꠘꠤꠀꠞ ꠝꠣꠘꠡꠦ ꠄꠇꠤꠘ ꠇꠞꠛꠣ, ꠔꠥꠝꠤꠃ ꠀꠝꠣꠞꠦ ꠙꠣꠑꠣꠁꠍ।

ꠀꠝꠤ ꠔꠥꠝꠣꠞ ꠉꠦꠍꠦ ꠀꠛꠖꠣꠞ ꠇꠞꠞꠣꠝ ꠘꠣ, ꠔꠥꠝꠤ ꠔꠣꠞꠣꠞꠦ ꠖꠥꠘꠤꠀ ꠕꠣꠇꠤ ꠘꠤꠔꠣꠄꠉꠤ, ꠛꠞꠋ ꠅꠃ ꠀꠛꠖꠣꠞ ꠇꠞꠞꠣꠝ, ꠔꠥꠝꠤ ꠔꠣꠞꠣꠞꠦ ꠁꠛꠟꠤꠍꠞ ꠀꠔ ꠕꠣꠇꠤ ꠢꠦꠚꠣꠎꠔ ꠇꠞꠅ।

ꠔꠥꠝꠤ ꠀꠝꠣꠞꠦ ꠎꠦ ꠝꠢꠤꠝꠣ ꠖꠣꠘ ꠇꠞꠍ, ꠀꠝꠤ ꠁꠔꠣ ꠔꠣꠞꠣꠞꠦ ꠖꠣꠘ ꠇꠞꠍꠤ, ꠎꠣꠔꠦ ꠀꠝꠞꠣ ꠎꠦꠟꠣ ꠄꠇ, ꠅꠃꠟꠣ ꠔꠣꠞꠣꠅ ꠄꠇ ꠅꠁꠔꠣ ꠙꠣꠞꠂꠘ। ꠔꠥꠝꠤ ꠎꠦꠟꠣ ꠀꠝꠣꠞ ꠝꠣꠎꠦ ꠀꠍ, ꠅꠟꠣ ꠀꠝꠤꠅ ꠔꠣꠞꠣꠞ ꠝꠣꠎꠦ ꠀꠍꠤ। ꠅꠃ ꠟꠣꠈꠣꠘ ꠔꠣꠞꠣ ꠎꠣꠘꠥ ꠙꠥꠞꠣꠙꠥꠞ ꠄꠇ ꠅꠁꠔꠣ ꠙꠣꠞꠂꠘ। ꠔꠦꠃ ꠖꠥꠘꠤꠀꠞ ꠝꠣꠘꠡꠦ ꠛꠥꠎꠛ, ꠔꠥꠝꠤꠃ ꠀꠝꠣꠞꠦ ꠙꠣꠑꠣꠁꠍ, ꠀꠞ ꠔꠥꠝꠤ ꠀꠝꠣꠞꠦ ꠎꠦꠟꠣ ꠝꠣꠄꠀ ꠇꠞ, ꠅꠃꠟꠣ ꠔꠣꠞꠣꠞꠦꠅ ꠝꠣꠄꠀ ꠇꠞꠅ।