Popular Bible Verses from ꠁꠘ꠆ꠎꠤꠟ ৫: ꠍꠣꠢꠣꠛꠤ ꠘꠣꠝꠣ 2

Share

ꠙꠤꠔꠞꠦ ꠎꠥꠀꠙ ꠖꠤꠟꠣ, “ꠝꠘ ꠚꠤꠞꠣꠃꠇ꠆ꠇꠣ, ꠀꠙꠘꠣꠞꠣ ꠢꠇꠟꠦ ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠔꠃꠛꠣꠞ ꠉꠥꠍꠟ ꠇꠞꠃꠇ꠆ꠇꠣ, ꠔꠦꠃ ꠀꠙꠘꠣꠞꠣ ꠖꠣꠘ ꠢꠤꠡꠣꠛꠦ ꠙꠣꠇ ꠞꠥꠢꠥ ꠙꠣꠁꠛꠣ।

ꠔꠣꠞꠣ ꠍꠣꠢꠣꠛꠤ ꠅꠇꠟꠞ ꠔꠣꠟꠤꠝ ꠢꠥꠘꠣ, ꠔꠣꠞꠣꠞ ꠟꠉꠦ ꠡꠞꠤꠇ ꠅꠁꠀ ꠀꠟ-ꠝꠍꠤꠞ ꠝꠦꠎꠛꠣꠘꠤ ꠈꠣꠅꠀ, ꠀꠞ ꠖꠥꠀ ꠇꠞꠣꠔ ꠢꠣꠝꠦꠡꠣ ꠇꠣꠁꠝ ꠞꠁꠔꠣ।

ꠔꠦꠃ ꠔꠣꠞꠣ ꠢꠇꠟꠦ ꠙꠣꠇ ꠞꠥꠢꠦ ꠇꠣꠝꠤꠟ ꠅꠁꠟꠣ, ꠀꠞ ꠞꠥꠢꠥꠞ ꠉꠣꠁꠛꠤ ꠛꠟꠦ ꠔꠣꠞꠣ ꠀꠟꠉ ꠀꠟꠉ ꠜꠣꠡꠣꠄ ꠝꠣꠔꠔꠣ ꠟꠣꠉꠟꠣ।

ꠅꠃ ꠡꠝꠄ ꠀꠍꠝꠣꠘ ꠕꠣꠇꠤ ꠔꠥꠚꠣꠘꠞ ꠟꠣꠈꠣꠘ ꠄꠇ ꠀꠅꠀꠎ ꠅꠁꠟ, ꠔꠣꠞꠣ ꠎꠦ ꠊꠞꠅ ꠛꠅꠀꠔ ꠀꠍꠟꠣ ꠁ ꠀꠅꠀꠎꠦ ꠀꠡ꠆ꠔꠣ ꠊꠞ ꠜꠞꠤꠉꠦꠟ। ꠔꠣꠞꠣ ꠖꠦꠈꠟꠣ, ꠀꠉꠥꠁꠘꠞ ꠟꠥꠇ꠆ꠇꠣꠞ ꠟꠣꠈꠣꠘ ꠇꠤꠔꠣꠞ ꠐꠥꠇꠞꠣꠁꠘ ꠀꠁꠍꠦ, ꠀꠞ ꠁ ꠟꠥꠇ꠆ꠇꠣꠁꠘ ꠔꠣꠞꠣ ꠢꠇꠟꠞ ꠃꠙꠞꠦ ꠀꠁꠀ ꠛꠁꠟ। ꠔꠦꠃ ꠔꠣꠞꠣ ꠢꠇꠟꠦ ꠙꠣꠇ ꠞꠥꠢꠦ ꠇꠣꠝꠤꠟ ꠅꠁꠟꠣ, ꠀꠞ ꠞꠥꠢꠥꠞ ꠉꠣꠁꠛꠤ ꠛꠟꠦ ꠔꠣꠞꠣ ꠀꠟꠉ ꠀꠟꠉ ꠜꠣꠡꠣꠄ ꠝꠣꠔꠔꠣ ꠟꠣꠉꠟꠣ।

ꠔꠣꠞꠣ ꠙꠞꠔꠦꠇ ꠖꠤꠘ ꠛꠣꠄꠔꠥꠟ-ꠝꠥꠇꠣꠖ꠆ꠖꠍꠅ ꠄꠇꠈꠣꠘꠅ ꠝꠤꠟꠔꠣ, ꠀꠞ ꠈꠥꠡꠤ ꠅꠁꠀ ꠄꠇꠟꠉꠦ ꠡꠞꠟ ꠝꠘꠦ ꠊꠞꠅ ꠊꠞꠅ ꠉꠤꠀ ꠈꠣꠘꠣ-ꠙꠤꠘꠣ ꠇꠞꠔꠣ। ꠔꠣꠞꠣ ꠀꠟ꠆ꠟꠣꠞ ꠔꠣꠞꠤꠚ ꠇꠞꠣꠔ ꠞꠁꠔꠣ ꠀꠞ ꠢꠇ꠆ꠇꠟ ꠝꠣꠘꠡꠞ ꠝꠢꠛ꠆ꠛꠔꠞ ꠝꠣꠘꠥꠡ ꠅꠁꠟꠣ। ꠎꠦꠞꠣ ꠘꠣꠎꠣꠔ ꠢꠣꠍꠤꠟ ꠇꠞꠔꠣ, ꠀꠟ꠆ꠟꠣꠄ ꠔꠣꠞꠣꠞꠦꠅ ꠀꠘꠤꠀ ꠖꠤꠘꠦ ꠖꠤꠘꠦ ꠄꠞꠣꠞ ꠟꠉꠦ ꠡꠞꠤꠇ ꠇꠞꠔꠣ।

ꠀꠟ꠆ꠟꠣꠄ ꠚꠞꠝꠣꠁꠞꠣ, ꠀꠈꠦꠞꠤ ꠎꠝꠣꠘꠣꠔ ꠅꠃꠟꠣ ꠊꠐꠛ, ꠀꠝꠤ ꠀꠝꠣꠞ ꠞꠥꠢꠥ ꠢꠇ꠆ꠇꠟꠞ ꠝꠣꠎꠦ ꠛꠦꠎꠤꠝꠥ; ꠔꠦꠃ ꠔꠥꠝꠞꠣꠞ ꠙꠥꠀ-ꠙꠥꠠꠤꠘ꠆ꠔꠦ ꠘꠛꠤꠞ ꠟꠣꠈꠣꠘ ꠛꠣꠔꠥꠘꠤ ꠝꠣꠔ ꠝꠣꠔꠛꠣ, ꠔꠥꠝꠞꠣꠞ ꠎꠥꠀꠘ ꠅꠇꠟꠦ ꠉꠣꠁꠛꠤ ꠀꠟꠣꠝꠔꠞ ꠖꠦꠈꠣ ꠙꠣꠁꠛꠣ, ꠝꠥꠞꠛ꠆ꠛꠤ ꠅꠇꠟꠦ ꠈꠥꠀꠛ ꠖꠦꠈꠛꠣ।

ꠢꠇ꠆ꠇꠟ ꠁꠝꠣꠘꠖꠣꠞ ꠅꠇꠟ ꠄꠇꠈꠣꠘꠅ ꠞꠁꠔꠣ ꠀꠞ ꠎꠣꠞꠎꠤꠞ ꠖꠞꠇꠣꠞꠤ ꠍꠣꠝꠣꠘꠣ ꠅꠘ ꠕꠣꠇꠤ ꠘꠤꠔꠣ। ꠔꠣꠞꠣꠞ ꠎꠝꠤ-ꠎꠝꠣ ꠗꠘ-ꠖꠃꠟꠔ ꠛꠦꠌꠤꠀ ꠎꠣꠞ ꠎꠦꠟꠣ ꠖꠞꠇꠣꠞ ꠅꠃꠟꠣ ꠛꠣꠐꠤꠀ ꠖꠤꠔꠣ।

ꠀꠞ ꠅꠃꠟꠣꠘ ꠅꠁꠛ, ꠎꠦꠇꠥꠘꠥ ꠝꠣꠘꠡꠦ ꠝꠣꠛꠥꠖꠞ ꠘꠣꠝꠦ ꠒꠣꠇꠤꠟꠦ, ꠢꠦ ꠘꠣꠎꠣꠔ ꠢꠣꠍꠤꠟ ꠇꠞꠛ।

ꠝꠣꠛꠥꠖꠞ ꠁ ꠝꠢꠣꠘ ꠀꠞ ꠈꠣꠍ ꠖꠤꠘ ꠀꠁꠛꠣꠞ ꠀꠉꠦ, ꠡꠥꠞꠥꠎ ꠀꠘ꠆ꠖꠣꠁꠞ ꠅꠁꠎꠤꠛ, ꠌꠣꠘ꠆ꠖ ꠟꠃꠞ ꠟꠣꠈꠣꠘ ꠅꠁꠎꠤꠛ।