Popular Bible Verses from Luke 11

Share

Tie kaleamia si gamu, ba hoke poni tiṉitoṉa leadi gamu sari mia koburu. Ke sa Tamamia pa Maṉauru si leana holani gamu si gamu, ke hinokara hola sapu kaqu poni ni Maqomaqo Hope tu Sa saripu tepa koa Sa.”

Gua ke Maqu tozini gamu: Tepa, meke kote vagia gamu, hata meke kote dogoria gamu, kikia meke kote ta tukele vatu koa gamu sa sasada.

Ura sari doduru pu tepa si kote vagi tugo, meke asa sapu hata si kote dogoria tugo, meke asa sapu kikia si kote ta tukele vala tugo sa sasada koasa.

Meke zama la koa rini se Zisu, “Pude varavara gamu si mi zama guahe: ‘Tamamami, mani tava lavata sa Pozamu Hopena, va mae ia koa gami sa Butubutu Binaṉara Tamugoi.

Mu taleosoni gami koari na mami sinea, ura taleoso ni gami saripu ṉoṉovala gami si gami. Mu lopu turaṉa lani gami pa tinoketoke!’ ” gua si Asa.

Mu ponini gami ginani ṉinoroi meke ninae rane.

Sari matamu si guana zuke tana tinimu. Totoso leadi sari matamu, si kalalasa sa doduru tinimu, ba pude kaleadi sari matamu, si kote huporo tugo sa doduru tinimu.

Loke tie si va katua sa zuke meke vekoa pa vasina tomena babe va opo tamunu nia lolu, ba kote va hakea sa si asa pa hakehakeana zuke, pude va kalalasi sari doduru tie pu nuquru pa vetu.