Popular Bible Verses from Taeka n Rabakau 3

Share

Ko na onimakina te UEA ma nanom ni kabane ao tai onimakina ana babaaire nanom. Karikia n taai nako b'a te tia kairiko, ao e na kaitiaka te kawai b'a ko aonga n ri mwiina.

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Karinea te UEA n anganna am m'ane ao moan m'akoron uaan arokam ni kabane. Ao ane e na reke iroum taiani uita ma kureebe ae e m'aiti riki nakon ae ko kainanoia.

Ke e nooraki iroum n taai nako te tangira ma te kakaonimaki kaanga te m'ae n roroa, ao koroi inanom.

Natiu, ko na aki rairaki nako ke ni karikiko b'a baika a maai ngkana e boaiko te UEA. E boaiia ni kabane te UEA aomata aika e tangiriia, n ai aroia kaaro aika a boaiia natiia ae maamaten nanoia.

Natiu, uring au reirei ma au taeka ao iri nanoia ni kabane. A na bon buokiko ni waakin maium ao n anganiko te teetekeraoi.

E kakab'aiaia aomata ni kabane te Atua aika iai irouia te wanawana. E kakaawaki riki te wanawana nakon te tirewa; e na kakorakoraa kaub'aim riki nakon te koora. E kakaawaki riki te wanawana nakon te b'ai ni katamaroa ae e raoiroi; akea te b'ai ae ko tangiria ae e konaa ni kabotauaki ma ngaia.

Ko na karaoi b'aai ni kabane ane ko konaa ni karaoia nakoia aomata nako akana a kainanoa am buobuoki.

E karika karawa ma aonnaba te UEA n rabakauna ma wanawanana.