Popular Bible Verses from Mareko 4

Share

E teirake Iesu mani matuuna, ao E takua te ang ma te nama, ni kangai, “Tai karongoa! Kainab'aabu!” E b'aka te ang, ao iai te raoi. Ao E taku nakoia ana reirei, “E aera ngkai kam maaku? Akea ami onimaki?”

A rangi ni maaku, ao a i taetae i rouia ni kangai, “Antai Teuaei? B'a e ongo i Rouna te ang ma naao!”

E mena Iesu i bukin te boti b'a E matu, ao atuna i aon te uninga. A kautia ana reirei, ao a taku, “Te Tia Reirei, Ko aki tabe i roura ngkai ti a kani mate?”

Ao E a manga taku nako ia, “Kam na karaua n iangoa ae kam ongo! B'aai ni baire ake kam kabonganai b'a b'aini motikan taekaia tem'angina i roumi, a na manga kabonganaki iroun te Atua b'a b'aini motikan taekami i Rouna-ma a na kakorakoraki riki nako imi.

Ao E taku Iesu: Uean te Atua kaanga ai aron te aomata ae kamaae n uniki koraa n te tano. E matu n te bong, ao e uti n te ngaina; ao i nanoni kakaraoan aei i rouna, ao e kaoti taberan te aroka, ao e riki rake. Ma e aki ataia b'a e kanga n riki aei.

Ane iai taningana n ongo, ao ke e ongo!”