Popular Bible Verses from Mareko 16

Share

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

Ao akana onimaki, a kona n noraki irouia kanikina aikai: n Arau ao a na kanakoia taimonio; ao a na taetae n taetae nako; ane a na tabekia naeta; ao ngkana a moi n te b'ai ae kamamate ao a na aki rotaki iai; a na kaaki baiia i aoia aoraki ao ane e na reke i rouia te marurung.

Ane onimaki ao e b'abetitoaki, ao e na kamaiuaki; ma ane aki onimaki ao e na kabuakakaki.

Ao a nako uakekei ni kab'arab'ara n taabo nako, ao E buokiia te Uea, ao E karaoi kanikina ake a na kakoauaki iai b'a e boni koaua te rongorongo are a taekinna.

Ao e taku nako ia, Kam na aki mimi; I ataia b'a kam ukoukora Iesu are te I-Natareta, are E kamateaki n te kaibangaki. E a manga uti, akea ikai; nora te tabo are a kawenea iai rab'atana.

Ao ngke a taraia, ao a noria b'a e a kaman tia ni karabinoaki nako te atibu; b'a e rangi ni buubura te atibu arei. Ngke a rin n te nne ni mate, ao a nora te teinimm'aane temanna ae tekateka n te angaatai, ao e b'ainna n te kunnikai ae mainaina ae m'arairai; ao a mimi.