Popular Bible Verses from Mareko 11

Share

Ma ngaia ae I taku nako imi b'a te b'ai ane kam bubuti n ami tataro, ao kam na onimaki b'a e na reke i roumi, ao e na bon reke.

E koaua ae I tuangngkami b'a ane kangai nakon te maunga aei, Ko na tabekaki nako, ao b'aka i tari, ao e aki nanokokoraki i nanona ma e onimaki b'a e na koro bukin are e taekinna, ao e na boni karaoaki i bukina.

Ao ngkana kam tei n tataro, ao kab'ara buren are titiku i nanomi are e a tia n riki b'a ekakinakoan temanna iai i roumi, b'a E aonga Tamami are i karawa ni kab'arai ami bure aika kam a tia ni karaoi.

E kaekaia Iesu ao E taku, “Kam na onimakina te Atua.

E reireiia ngkanne aomata ao E taku nako ia, “E koreaki n te B'aib'ara ana taeka te Atua ae kangai, ‘E na atongaki au um'antabu b'a te tabo n tataro i bukiia aomata nako.’ Ma kam a tia ni karaoia b'a neia ni maeka taani kimoa!”

A takarua te koraki ake a ri moan Iesu ao ake a ri mwina ni kangai, “E na neboaki te Atua! Te Atua, kakab'aia Teuae nako mai n aran te Uea!

Te Atua, kakab'aia rokon uean te uea are Tawita, are tamara! E na neboaki te Atua!”