Popular Bible Verses from Ruka 8

Share

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

Ao ake i aon te ririb'a bon te koraki ake a ongo te taeka ao a kaaki i nanoia ma te kim'areirei; ti te bo te koraki aei ma koraa ake akea wakaaia: a onimaki i nanon te tai ae aki maan, ma ngke a kaririaki ao a b'aka.

Ao E taku nako ia, “A nga ami onimaki?” Ao a maaku ma ni mimi, ao a i taetae i rouia ni kangai, “Antai Teuaei, b'a E taetae nakon te ang ma te nao, ao a karaoa tuangaia!”

Ake a b'aka ri rarikin te kawai bon aomata ake a tia n ongo; ao e roko te riaboro ao e uota nako te taeka mai nanoia, b'a a aonga n aki onimaki ma n aki kamaiuaki.

B'a akea ae raba ae na aki kaotaki; ao akea ae karabaki ae na aki ataaki ao e na aki oti.

Ngke e ataia neierei b'a e aki raba, ao e roko n ruru b'a e maaku, ao e b'aka i matana, ao e tuangnga i mataia aomata ni kabaneia bukin riingana ao arona ngke e waekoa n toki aorakina. Ao E taku Iesu nako ina, “Natiu, e kamaiuko am onimaki; naako ma te rau!”

Ao a kawaria ni kautia, ao a kangai, “Te Tia Reirei, te Tia Reirei, ti mate!” Ao E uti, ao E takua te ang ma naao ake a buubura; ao e toki karen te ang, ao e wene n rau te ran.