Popular Bible Verses from 1.I-Korinto 15

Share

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

Ma E na katituaraoaki te Atua, are anganira te tokanikai iroun ara UEA are Iesu Kristo.

Kam na tai burebureaki. “Aaro n i raorao aika buakaka a uru aroaro aika riai.”

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

Te Mate, e nga am tokanikai? Te Mate, e nga am b'ai ni kaikoaki?” Te bure boni ngaia ana b'ai ni kaikoaki te mate, ao korakoran te bure bon te Tua.

Noria, I tuangngkami te b'ai ae raba: Ane ti na aki bane ni mate, ma ti na bane n onikaki, n te tai ae moan te waekoa, n te rube ni mata, n tangin te kabanea ni bu. B'a ane e na tangi te bu, ao a na manga kamaiuaki maate n aki kona ni mka, ao ti na onikaki.

B'a ngke e roko te mate iroun te aomata, ao boni mairoun naba te aomata rokoni manga-maiuia maate. B'a ngke e reke te mate irouia aomata ni kabaneia mairoun Atam, ao ai aroia naba b'a a na bane n reke i rouia te manga uti mairouni Kristo.

B'a e riai n oneaki te aro ni mka aei nakon te aki mka, ao te aro ni mamate aei nakon te aki mamate.

B'a E riai n uea Kristo ni karokoa te tai are E kabaneia iai ni kakiia ana kairiribai i aani waena. Te kabanea ni kairiribai are na kamaunaki bon te mate.