Popular Bible Verses from 1.I-Korinto 12

Share

Ao a anganaki aomata nako te bae E karaoia te Tamnei are Raoiroi b'a e na noraki b'a e bongana.

Rab'atani Kristo ngkami, ao b'ain rab'atana ngkami n tatabemaningkami.

Ngkana e maraki b'ain te rab'ata teuana, ao a bane naba ni maraki b'ain nako te rab'ata ma ngaia; ao ngkana e karineaki b'ain te rab'ata teuana, ao a bane b'ain nako te rab'ata ni kim'areirei ma ngaia.

B'a e anganaki temanna ana m'akuri iroun te Tamnei are Raoiroi b'a te tia taekina te rabakau, ao temanna b'a te tia taekina te atatai, iroun naba te Tamnei are Raoiroi aei. Ao e anganaki temanna te onimaki, iroun te Tamnei are Raoiroi naba aei; ao temanna b'aai n tituaraoi i bukini katokan aoraki, ao e anganaki temanna karaoani m'akuri aika kamimii. Ao tabeman b'a burabeti, ao tabeman te kona ni kinaa Tamnein te Atua ngkana e kaoti. Ao tabeman te kona n taetae n taetae aika aki ataaki nanoia, ao tabeman te kona ni kab'arab'arai nanoia.

Bon te Tamnei are Raoiroi naba aei ae ti temanna ae karaoi baikai ni kabane, n tib'atib'ai nakoia aomata n tatabemaniia nako n ai aron nanona.

b'a e kawa n riki te bwenaua n te rab'ata, ma a na i akoakoi b'ain nako te rab'ata n te aro ae ti te arona nako ia n tatabeua nako.

Ao a bati aekani b'aai n tituaraoi, ma ti temanna te Tamnei are Raoiroi are anga; Ao a bati aron nakoa, ma ti temanna te UEA ae e m'akuri te aba i bukina. Ao a bati aaro ni m'akuri, ma ti temanna te Atua, ae m'akuri i nanoia aomata ni kabaneia ao E buokiia ni b'aai ni kabane aika a karaoi.

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

B'a tiaki ti teuana b'ain te rab'ata, ma a bati b'aina.

Ma moan te kai te nano ngkana akea b'ain te rab'ata aika atongaki b'a a mamara riki

Ngkana arona b'a te mata te rab'ata ni kabanea, ao e nga te ongo? Ao ngkana te taninga te rab'ata ni kabanea, ao e nga te aroboi? Ma E a tia te Atua ni kabane b'ain te rab'ata n tatabeua nako ni kaki n te rab'ata, n ai aron nanona. Ao ngkana arona b'a a bane b'ain te rab'ata n riki b'a b'aina ae ti teuana, ao e nga te rab'ata?