Popular Bible Verses from Саалтыр 34

Share

Мин, улуу түмсүүгэ киирэммин, Эйиэхэ махтаныам, үтүмэн киһи ортотугар тураммын, Эйигин айхаллыам.

Саакка-суукка киирэн сурахтара суйданнын мин дууһабар турунааччылар. Атахха биллэрэн ааттара алдьаннын миигин утары куһаҕаҥҥа куомуннаһааччылар.

Туох да төрүөтэ суох миэхэ өстүйээччилэр миигин сэтэрээбэтиннэр; буруйа суоҕум үрдүнэн абааһы көрөөччүлэр бэйэ-бэйэлэригэр имнэммэтиннэр

Эстэр-быстар күннэрэ кинилэргэ эмискэ үтүрүйэн кэллин, кистээн оҥорбут угаайыларыгар бэйэлэрэ түбэстиннэр; илимҥэ сөрүөстэн кинилэр өллүннэр.

Тыал ыһар-тоҕор мэкиинэтэ буоллуннар, Айыы Тойон Аанньала кинилэри кыйдаатын.

Хаһааҥҥа диэри, Айыы Тойон, Эн итини көрүөҥүй? Хара дьайыыларыттан миигин өрүһүй, хахайдартан олохпун, баарбын-суохпун, быыһаан ыл.

Буруйа суоҕум үрдүнэн, кистээн, миэхэ угаайы оҥорбуттар, буруйа суоҕум үрдүнэн миэхэ иин хаспыттар.

Кинилэри, доҕорум, быраатым курдук, аһынарым; ийэтин аһыйар киһилии, бүк түһэн, курутуйан сылдьарым.

Оттон мин, кинилэр ыарыйдахтарына, ытабыл таҥаһын таҥнарым, астан аккаастанан, дууһабын сыһытарым; мин үҥэрим бэйэбэр төннөн кэлэрэ.

Оттон мин бүдүрүйдэхпинэ, үөрэн, түмсэ түһэллэр, миигин утары түмсэллэр; өстөөхтөр, мин урут кинилэри билбэт этим, күннэри-түүннэри үөҕэллэр.

Үҥүүгүн таһааран, сүгэҕин тутаҥҥын, туора тур миигин сойуолааччылар суолларыгар; итиэннэ, эйигин быыһаан ылыам диэҥҥин, эрэннэр мин дууһабар.