Popular Bible Verses from Mark 2

Share

Hichu Jesu'n ajah phatnin, ajah uva, atidamten louthem angaipouve, adamlouten bou angaijui; michonpha te kou-a hung kahipoi; lungheidia michonse te kou-a hungjoh kahibouve, ati.

Chuin Jesu'n atahsanjeu chu amun, langthipa jah-a chun, Chapa, nachonset naho kingaidam ahitai, ati.

Chuin Jesu'n ajah uva, Cholngah ni chu mihem dinga kisem ahi, cholngah ni dinga mihem kisemjoh ahipoi.

Chuin mipi jeh-a akom naija ahung lut theilou jeh-un, in chung chu Ama umna dontah aphet vangun, langthipa chu alupna pumin a-ang sungah agah khailha suh-un ahi.

Hijongle leiset chunga Mihem Chapan chonset ngaidamna thahat aneije ti nahetna dingun, atin, Langthipa jah-a, Thouvin, nalupna kilah-in lang na-in'a chetan kati ahi, ati.

Langthipa jah-a hi, Nachonset naho kingaidama ahitai, kiti le; Thouvin, nalupna kilah-inlang lam jotnin, ti chu hoijoh seibai jo-em?

Chuin ama chu athoudoh pai jengin, alupna akilah-in, japi mitmutah chun achedohtan; chuphatnin ajapiuvin kidang asa lheh jengun, Hitobang himhim kamukha pouve, atiuvin Pathen avahchoi taove.