Popular Bible Verses from Mathew 5

Share

Min meivah avah-in, lo akhukhum ngaipoi, atunna chunga akoijin; chuteng in sunga um chengse chu asalvah bouvin ahi. Hiche bang chun navah-u chu miho angah kilanghen, chuteng amahon nachon phatnao chu mu theijuntin, chule van'a um na-Pau chu avahchoi dingu ahi.

Nangho vannoi vah nahiuve. Lhang vuma khopi chu akisel theipoi.

Milungthengho anunnom ahiuve; ijeh inem itile amahon Pathen amu dingu ahi.

Chonphatna lama gilkel le dangchah ho anunnom ahiuve; ijeh inem itile amaho chu vading ahiuve.

Ahivangin, keiman nangho jah-a kasei ahi, namelma teu ngailuvin, nagaosap teo chu phatthei boh-un, nahoteu chu phatbolun, chule nadangdat teole nabolseteu dingin taopeh-un

Lhagaova vaichaho anunnom ahiuve; ijeh inem itile van lenggam chu amaho-a ahi.

Misucham ho anunnom ahiuve; ijeh inem itile amaho chu Pathen chate kiti ding ahiuve.

Alhaseteho anunnom ahiuve; ijeh inem itile lhep lungmonga umding ahiuve.

Chonphat jala bolsetna thohho anunnom ahiuve; ijeh inem itile van lenggam chu amaho-a ahi.

Milungset teho anunnom ahiuve; ijeh inem itile amaho chu kilungset ding ahiuve.

Keima jala mihon nahouset uva, nabolset uva, chule nachung uva jouthu-a thugilou asei tengule anunnom nahiuve. Kipah-un, hapan kipah-un; ijeh inem itile van'a nasan dingu kipaman atame; ijeh inem itile nangho masanga anaum themgaoho jong chu mihon chutobangma chun abolseuvin ahi.

Mi lungnengteho anunnom ahiuve; ijeh inem itile amahon leiset chung alo dingu ahi.

Nangho leiset chi nahiuve: ahin chi khu tam tahenlang hile, ipi-a ki-al sah dingham? Chukalle apanna umtapontin, paidohle mihemte chotpha dingbou ahitai.

Hijeh chun van'a um na-Pau aphat chamkimsoh bangin, nangho jong chamkimun.

Ahin nasei chu ahile ahi, ahiloule ahilou hijenghen; hicheng kalval chu agilouva kona bou ahitai.

Mit khela mit, ha khela ha, tia kisei chu najataove; Ahivangin keiman nangho jah-a kasei ahi, Migilou thuh hih-un; amavang koi hile nangeiphe jetlam benga chu, lang khat jong dopeh-in.

Chule namit jetlamin nasuhmo le, kaldoh inlang paimangin; ijeh-inem itile natahsa pumpi damuna lelutna aum sangin, natibah khat aman ding nang dingin aphajoi. Chule nakhut jetlamin nasuhmo le, hi jong chu satlhan lang paimangin; natahsa pumpi-a damuna nachuh sangin, natibah khat aman dinga nang dinga phajo ahi.