Popular Bible Verses from Mathew 2

Share

Chuin amaho in sunga alutnun ahile naosen chu anu Mariam toh amu thaovin, aboh khupmun ama chu ahou taovin ahi; chuin athil lu bom cheh-u asolhaovin, kipamanin, sana, bego, myrrh ama chu apetaovin ahi.

Herod lengpa lal laijin Judah gama Bethlehem khopi-ah Jesu apengtan ahile, veuvin, niso lama konin ahsi lekhathem ho phabep Jerusalem'a ahungun, Judah te lengpa apengin ahi, ama chu hoilamham? Keihon niso lamah ahsi kamuvin, chibai bola hung kahiuve, atiuvin ahi.

Ahsi chu amu phat uvin athao anomin, hapan akipah-un ahi.

Chujouvin amanguva Herod heng lama akile kit louna dinguva Pathen'in ahilchah jeh uvin, lam chom ahovin agam lamuva achemang taovin ahi. Chuin amaho chedoh nungin, veuvin, Joseph amangin Pakai vantil khatnin, Thouvin, naosen leh anu puijin lang Egypt gama jam lutpitan, chule thu kapeh kahsen chua chun um jingin; ijeh-inem itile Herod'in naosen chu suhmang dinga ahol ding ahi, ati.