Popular Bible Verses from Mathew 13

Share

Chule a kithe-a leipha laija chua vang chu, thu ja-a, angainaje he-a chu ahi; ama chu aga tahbeh-in, chule abang ajat jakhat, abang ajat somgup, abang ajat somthumin aga pungjin ahi.

Chule akithea linglah-a chua chu ahile, thu chu ajan, hinla leiset hinkho lungkhamna le lheplhahna dimset haona lungthim chun thu chu adeplihjin, ga louvin aumjitai.

Koi hile gamsung thu ajah tenga angainaje helou chu, hiche pettah chun agilou chu ahungin, alung sunga kithesa chengse chu alah mangpeh jitan ahi. Hichepa chu akithe lamsih-a chua chu ahi.

Akithea songlheo chunga leipatna-a chua chu, thu ajah jah-a thanom tah-a joppai jenga chu ahi; Ahivangin alung sunga ajung anei lou jeh-in, ni chomkhat aumjibouve; ijeh inem itile thu jeh-a genthei hesohna le bolsetna aum phat phatle, alhupai jitai.

Chujongle van lenggam chu loulaija kiselgu thillu tobang ahi: hichu mi khattouvin amudoh-in, aselgun; chule kipahtah-in achen anei jouse ajoh-in, hiche louchu achon ahi.

Adangho vang lei pha laijah achun, abang ajat jakhat, abang ajat somgup, abang ajat somthumin agan ahi.

A-at phat kahsen khantha nante, chang at tengle keiman chang at dingho jah-a, Changlhem chu govam dingin khomun lang kankhomun, changtah vang chu kachang pangah koilut taovin, tinange, ati, tin aseije.